ASNN – Pasi e mbylli gjysmën e parë të sezonit në krye të renditjes së Superligës së koshit të meshkujve, duke lënë prapa Partizanin dhe Teutën, Goga Basket e ka hedhur vështrimin me optimizëm drejt vitit 2019. Sipas kapitenit të bregdetarëve, Niko Thano, skuadra e tij është material kampioneje, por lipset shumë punë deri në fund.
Goga Basket e nisi vitin 2018, duke dominuar nivelin e dytë të Kampionatit Kombëtar të Basketbollit për Meshkuj dhe e mbylli atë në krye të renditjes së nivelit më të lartë, Superligës, dhe për kapitenin Niko Thano, skuadra iu përgjigj mirë sfidës së konkurrencës.
Kapiteni i bregdetarëve beson se skuadra e tij është material kampioneje, por lipset shumë punë deri në fund. Thano është ambicioz në synimet e skuadrës këtë sezon. Goga Basket e mbylli gjysmën e parë të sezonit në krye të renditjes së Superligës së koshit të meshkujve, duke lënë prapa Partizanin dhe Teutën.
