(Video) Basketboll – Meshkuj / Teuta nuk ndalet, mund edhe Kozhuvin 94-85

Share Button

AlbanianSport.com 06/01/2018 19:15

ASNN – Teuta me marsh kampioni, vjen fitorja e tretë në Ligën Ballkanike, mposhtin Kozhuvin në Maqedoni. 3 ndeshje, 6 pikë. Asnjëherë më parë nuk kishte ndodhur në Ligën Ballkanike që një skuadër e Shqipërisë të kishte një ecuri kaq të mirë. Bëhet fjalë për Teutën, e cila siguroi një fitore të madhe mbrëmjen e së martës në Gjevgjeli të Maqedonisë përballë Kozhuvit, duke fituar me rezultatin 94-85, një rezultat që e ngjit automatikisht në vend të parë të kësaj lige.

Nuk është e rastësishme fitorja, përkundrazi, është fryt i një pune të madhe dhe i një grupi kualitativ, i cili po dëshmon edhe në kampionatin shqiptar se këtë vit është me pretendime titulli. Që Teuta mund ta fitonte këtë ndeshje u dhanë sinjalet që në 10-minutëshin e parë, ku durrsakët fituan 21-17. Një diferencë e vogël por domethënëse për ecurinë e ndeshjes. 10-minutëshi i dytë ishte më emocionues, por ishte sërish Teuta që fitoi 29-23.

Pra në pushimin e madh të ndeshjes, skuadra durrsake shkoi e qetë dhe me fitore bindëse 50-40, gjë që i dha besim për ta fituar këtë takim. Teuta nuk lëshoi pe as në 10-minutëshin e tretë, të cilin e fitoi bindshëm 24-18, duke e futur fitoren  saj në “binarë” të sigurt. 10-minutëshi i fundit ishte plot ankth për durrsakët, sepse vendasit luftuan fort dhe tentuan të përmbysnin ndeshjen. Loja u bë e ashpër dhe mjaft e fortë si në fazën sulmuese dhe në atë mbrojtëse.

Këtë 10-minutësh e fituan lojtarët e Kozhuvit me shifrat 27-20, por pa mundur të përmbysnin epërsinë e madhe që kishte krijuar gjatë lojës Teuta jonë. Për pasojë, me rezultatin 94-85 fiton ekipi nga Durrësi, që regjistron kështu fitoren e 3-të në 3 ndeshje të luajtura në Ligën Ballkanike. Të udhëhequr nga trajneri Boban Niniç, si dhe me një kastër lojtarësh cilësorë si Lasku, Uillson, Hysenagolli, Gorrea, Hamati, Koups, Miranoviç, Shestani e Mejer, Teuta ia doli të vërë diktatin e saj në këtë ndeshje.

Teuta duket se po lë gjurmë dhe në këtë veprimtari ballkanike, i cili shërben si një dritare për të promovuar basketbollin shqiptar dhe për ta ballafaquar atë me nivelin rajonal. Dhe Teuta ia ka dalë deri tani mjaft mirë.

Artikuj të tjerëFaqja Kryesore

“Kënga e fundit e mjellmës”… një lamtumirë për 5 futbollistë kuqezi

“Kënga e fundit e mjellmës”… një lamtumirë për 5 futbollistë kuqezi

AlbanianSport.com 15/11/2024 23:40 ASNN – Për herë të fundit në ngjyrat kuqezi, 5 futbollistë i japin

(Video) Kombëtarja / Kuqezinjtë mbyllin përgatitjet për sfidën çeke

(Video) Kombëtarja / Kuqezinjtë mbyllin përgatitjet për sfidën çeke

AlbanianSport.com 15/11/2024 22:30 ASNN – Liga e Kombeve, Kombëtarja mbyll përgatitjet në “Arenën Kombëtare”, gati për ndeshjen ndaj Çekisë. Kështu, Shqipëria e futbollit është gati për takimin e parë të nëntorit ndaj Çekisë, teska skuadra kuqezi, me në krye trajnerin Silvinjo, mbylli mbrëmjen e së premtes përgatitjet në Stadiumin “Arena Kombëtare” në kryeqytet. Sipas burimeve

(Video) Kombëtarja / Silvinjo: Formacioni? Do të pres deri në fund

(Video) Kombëtarja / Silvinjo: Formacioni? Do të pres deri në fund

AlbanianSport.com 15/11/2024 21:55 ASNN – Trajneri i Kombëtares, Silvinjo, tregoi edhe se si paraqitet

(Video) Kombëtarja / Silvinjo: Luajmë para tifozëve tanë, japim gjithçka!

(Video) Kombëtarja / Silvinjo: Luajmë para tifozëve tanë, japim gjithçka!

AlbanianSport.com 15/11/2024 20:45 ASNN – I pyetur në konferencën për shtyp të të premtes, në prag

Video) Kombëtarja / Silvinjo: Çekia, një “njohje e vjetër”, por lipset 100%

Video) Kombëtarja / Silvinjo: Çekia, një “njohje e vjetër”, por lipset 100%

AlbanianSport.com 15/11/2024 19:35 ASNN – Duke iu referuar më tej në konferencën e tij për shtyp

  

Kuqezinjtë në “Gjermani 2024” – Vendi Organizator & Të rejat më të fundit

banner
banner
banner

Arkiva

banner
banner
banner
banner
banner
banner

Kontakte dhe informacione

Rrjeti Shqiptar i Lajmeve Sportive (ASNN)

PR & Marketing:
Gentiana Kodra (Pine)

Rrjetet Sociale

Rreth Nesh