ASNN – Tirana në Superligë dhe Partizani në Kategorinë e parë ruajnë kryesimin e shkëputur në të dy nivelet e Kampionatit Kombëtar të Basketbollit për Meshkuj. Kështu, Kampionati Kombëtar i Basketbollit për Meshkuj ka zhvilluar në fundjavë takimet e javës së 17-të të nivelit më të lartë të tij, që njihet si Superliga, dhe të javës së 17-të të nivelit të dytë të tij, që njihet si Kategoria e Parë.

Në Superligë, Tirana ka mposhtur në kryeqytet Kamza Basketin, me shifrat 90-71, duke ruajtur vendin e parë të renditjes, ku kryeson e shkëputur në kuotën e 32 pikëve. Ndërkohë, duke përfituar nga humbja e papritur e Teutës, që është mundur 60-85 nga Ardhmëria Basket, Vllaznia ka konsoliduar vendin e dytë të renditjes, pasi ka triumfuar 80-60 në Vlorë ndaj Flamurtarit vendas.

Ndërkohë, në Kategorinë e Parë, Partizani, që e ka siguruar që tani ngjitjen në Superligë sezonin e ardhshëm, ka fituar në kryeqytet ndaj Skënderbeut, me shifrat 93-52. Supriza e javës ka ardhur në Fier, ku Apolonia ka shtangur Tirana Eagles Basket dhe ka fituar me rezultatin 67-59, duke rihapur betejën me kryeqytetasit për vendin e dytë.

Kampionati Kombëtar

i Basketbollit – Meshkuj

Superliga

Java e 17-të

(14 mars 2017)

Të martën:

Flamurtari – Vllaznia           60-80

Tirana – Kamza Basket       90-71

Teuta – Ardhmëria Basket  60-85

Renditja

Nr.       Skuadra                     N.        F.         H.        Psh-Pp           Pikë

1. Tirana                         17        15          2        1631-1138     32
2. Vllaznia                     17        12          5        1362-1141     29
3. Teuta                          17        11          6        1295-1172     28
4. Kamza Basket          17          7        10        1256-1371     24
5. Ardhmëria Basket    17          6        11        1180-1126     23
6. Flamurtari                  17          0        17          833-1610     16

Kampionati Kombëtar

i Basketbollit – Meshkuj

Kategoria e Parë

Java e 17-të

(14 mars 2017)

Të martën:

Apolonia – Tirana Eagles Basket 67-59

Partizani – Skënderbeu                  93-52

Elbasani                                            pushim

Renditja

Nr.       Skuadra                     N.        F.         H.        Psh-Pp           Pikë

1. Partizani                    14        14          0        1105-664       28
2. Eagles Basket          13          8          5          850-744       21
3. Apolonia                    14          6          8          815-986       20
4. Skënderbeu              14          3        11          891-1002     17
5. Elbasani                    13          3        10          712-975       16