ASNN – Goga Basket ndan kreun e renditjes të Kampionatit Kombëtar të koshit të meshkujve me Teutën dhe Partizanin, me nga 7 pikë secila, dhe kapiteni i bregdetarëve, Niko Thano, thekson se lufta për titull do të jetë e ashpër deri në fund. Duke folur për Rrjetin e Radio-Televizionit Shqiptar, Thano mendon se skuadra ka ende për të përmirësuar.

Ka humbur një duel në derbin me Teutën, por ka fituar një ndeshje po aq të rëndësishme me Partizanin dhe për kapitenin e Goga Basketit, Niko Thano, skuadra është në rrugë të mbarë. Goga Basket ndan kreun e renditjes me Teutën dhe Partizanin, me nga 7 pikë secila, por Thano mendon se skuadra e tij ka ende për të përmirësuar.

Kapiteni i bregdetarëve të koshit thekson se lufta për titull do të jetë e ashpër deri në fund. Në kuadër të javës së 5-të, Goga Basket është të premten mysafire në Kamëz për t’u përballur me skuadrën vendase.