ASNN – 25-vjeçari konfirmohet në krye të stolit të të rriturve, Grifin Rame dhe Ili Pasha, tek të rinjtë. E ka drejtuar ai skuadrën në atë fitore 90-76 të arritur të shtunën në Shkodër dhe duke se Melzin Lazimi do të jetë në vazhdim trajneri i Goga Basket pas largimit të malazezit Nikola Milatoviç.
Për Lazimin, i cili është konfirmuar edhe zyrtarisht në stolin e skuadrës së parë nga drejtuesit e Akademisë, synimi i Goga Basket është kampionati. Zhvendosja e Lazimit në stolin e të rriturve nënkupton se ai nuk do të jetë më trajner i ekipit të Nën-18-vjeçarëve.
Burime pranë Akademisë së Basketbollit “Goga Basket” kanë pohuar për Rrjetin e Radio-Televizionit Shqiptar se skuadra e të rinjve do të drejtohet tanimë nga dy basketbollistët e skuadrës së të rriturve, amerikani Grifin Rame si trajner i parë dhe Ili Pasha si ndihmës i tij.
Po kështu mësohet se Herion Faslija do të largohet nga Goga Basket, për t’u rikthyer tek Vllaznia. Një hap i tillë ndërmerret për t’i dhënë mundësi basketbollistit të luajë më rregullisht, por edhe të ndihmojë skuadrën e qytetit të tij të lindjes t’i shpëtojë rënies nga Superliga.
