ASNN – Një shtrirje edhe më e gjerë sa i përket numrit të veprimtarive, ndeshjeve, skuadrave dhe lojtarëve, por edhe një rritje cilësore e garës kanë qenë disa prej kulmeve të basketbollit shqiptar në 2018-ën. Sekretari i Përgjithshëm të Federatës Shqiptare të Basketbollit, Korab Llazani, ka theksuar se vëmendja është tashmë përqendruar tek mikpritja e një veprimtarie madhore të basketbollit evropian në 2019-ën.

Basketbolli ka patur një tjetër vit të ngjeshur në 2018-ën dhe tanimë e ka hedhur vështrimin tek takimi i fundvitit, ku do të bëjë edhe bilancin. Në një bisedë të zgjeruar me Rrjetin e Radio-Televizionit Shqiptar, Sekretari i Përgjithshëm të Federatës Shqiptare të Basketbollit, Korab Llazani, ka folur me shifra sa u përket veprimtarive në nivel kombëtar.

Llazani ka vlerësuar rritjen e nivelit të kampionatit Kombëtar në të gjitha kategoritë e tij. Nr. 2 i organizmit që qeveris koshin shqiptar, vëmendja është përqendruar tek mikpritja e një veprimtarie madhore të basketbollit evropian. Klikoni videon e mëposhtme për kronikën e plotë.