ASNN – Euroliga e basketbollit për meshkuj luan sonte ndeshjet e 4-ta në grupe. Dhe Rrjeti i Radio-Televizionit Shqiptar do të sjellë për sportdashësit takimin më të spikatur të mbrëmjes, atë midis Barcelonës dhe Bambergut. Kjo ndeshje, që nis në ora 21:00, luhet në Barcelonë.
Veprimtaria më prestigjioze e basketbollit për klubet e kontinentit, Euroliga, emocionet e të cilës po sillen për sportdashësit drejtpërdrejt dhe ekskluzivisht nga Rrjeti i RTSH-së, do të luajë sonte pjesën e mbetur të ndeshjeve të 4-ta në grupe. Dhe transmetuesi publik do të sjellë takimin më të spikatur, atë midis Barcelonës dhe Bambergut.
Kjo ndeshje, vë përballë dy ekipe që kërkojnë të harrojnë humbjet në ndeshjet e 3-ta në grupe. Barcelona vjen në sfidën e sotme, që do të luhet në “Palau Blaugrana” me një bilanc prej 5 fitoresh dhe një humbjeje ndaj Bambergut. Sezonin e shkuar, si katalanët, ashtu gjermanët fituan nga një takim secila, atë të luajtur në fushën e vet.
Të dyja skuadrat kanë marrë vetëm një fitore dhe i kanë humbur dy ndeshjet e tjera në këto 3 javë të para të Euroligës.
