ASNN – Atleti shkodran, Izmir Smajlaj, nënkampion i Gadishullit në kërcim së gjati, të tjerët, larg pritshmërive. Shqipëria mori pjesë me disa sportistë në Kampionatit Ballkanik të Atletikës, që u mbajt të shtunën në Stamboll, dhe, përtej mbrojtjes së titullit të kampiones së Gadishullit nga Luiza Gega në garën e 3,000 metrave për femra, apo edhe thyerjes, për herë të dytë brenda pak javësh, të rekordit të garës së 400 metrave nga atleti i ri shkodran, Franko Burraj, kulmi tjetër më i spikatir i atletëve shqiptarë ishte Izmir Smajlaj.
Ndonëse erdhi në këtë veprimtari rajonale si kampion në fuqi, atleti shqiptar i kërcimit së gjatë është detyruar të kënaqet me shkallën e dytë të ai ka siguruar edhe medaljen e bronztë të kësaj disipline në Kampionatin Ballkanik. Me kërcimin e tij më të mirë me 7 metra e 70 centimetra, teksa bëri edhe 3 faulla, Smajlaj mori medaljen e argjendtë dhe titullin e nënkampionit të Ballkanit, 4 cm pas rumunit të vendit të parë. Një garë të dobët bëri edhe Eraldo Qerama, i cili vuajti një bllokim muskulor dhe e mbylli i parafundit garën e 800 metrave.
Ndërkaq, edhe atleti tjetër, David Nikolli, nuk arriti rezultatin që shpresonte në garën e 1,500 metrave. Aiu synonte të kualifikohej për në Botërorin e Sallave të Mbyllura, ku norma ishte 3 minuta e 45 sekonda, por nuk shkoi dot më shpejt se 3 minuta e 52 sekonda, ndërsa 3 atletë të tjerë para tij e siguruan këtë normë. Përtej këtyre zhgënjimeve, duhet thënë se kjo ishte përgjithësisht një Ballkaniadë e mirë për atletikën shqiptare.
