ASNN – Në një transmetim të drejtpërdrejtë dhe ekskluziv, Radio-Televizioni Shqiptar do të sjellë për të gjithë shikuesit, Botërorin e 9-të të Aeronautikës. Nga qyteti i Vlorës, kamerat e RTSH-së, me një teknologji të re, të vendosur për herë të parë, do të transmetojnë të gjithë ditët e Botërorit, nga data 5, deri më 14 maj 2017.
Veprimtaria sportive do të jetë e ndërthurur me spektakël, koncerte e të ftuar. Për të gjitha detajet, ka folur regjisori i kësaj veprimtarie, Petri Bozo. Radio-Televizioni Shqiptar do të transmetojë drejtpërdrejt Kampionatin Botëror të Aeronautikës. Një ekskluzivitet që do të përcillet për të gjithë publikun nëpërmjet kanaleve RTSH1 dhe RTSHSport dhe që do të drejtohet nga regjisori Petri Bozo.
Televizioni Shqiptar ka bërë investime të mëdha që kjo veprimtari të përcillet në mënyrë të veçantë për të gjithë shikuesit. Por si do të organizohet kjo veprimtari nga ana regjisoriale dhe a do të jetë vetëm pasqyrim i Botërorit apo i ndërthurur me spektakël. Transmetimet e drejtpërdrejta nga RTSH do të nisin që në orët e para të mëngjesit të së premtes për t’u mbyllur të dielën e datës 14 maj, ditën e fundit të Botërorit.
