ASNN – Sezoni i rregullt i Kampionatit Kombëtar të Futbollit ka përfunduar, por disa enigma nuk janë zgjidhur ende dhe, për këtë arsye, Federata Shqiptare e Futbollit ka përcaktuar datat për ndeshjet finale të futbollit në kategoritë inferiore. Edhe pse janë përcaktuar skuadrat që do të ngjiten në Kategorinë Superiore apo në Të Parën, ende nuk janë përcaktuar kampionet e Kategorisë së Parë dhe të dytë, të cilat do të përcaktohen nga një ndeshje finale.
Gjithashtu janë edhe dy ndeshje “play-out” për të përcaktur dy skuadrat që do ti bashkohen Gramshit dhe Korabit në Kategorinë e Parë. Sfida Bylis-Tërbuni që do të përcaktojë edhe fituesin e Kategorisë së Parë për këtë sezon do të luhet të shtunën e 23 Majit, në orën 17:00, në Stadiumin “Elbasan Arena”. Në të njëjtën datë dhe orar do të zhvillohet në Stadiumin Kombëtar “Qemal Stafa” edhe finalja e Kategorisë së Dytë midis Gramshit dhe Korabit, për të përcaktuar “kampionen” e kësaj kategorie.
Por përpara dy ndeshjeve finale për të përcaktuar “kampionet” e Kategorisë së Parë dhe të dytë do të luhen edhe dy sfidat “play-out”, për të përcaktuar dhe dy skuadrat që do të luajnë në Kategorinë e Parë sezonin e ardhshëm. Sipas formulës dy skuadrat e parafundit në Grupet A dhe B të Kategorisë së Parë do të luajnë një ndeshje finale me dy skuadrat e renditura të dytat në Grupet A dhe B të Kategorisë së Dytë të Kampionatit Kombëtar të Futbollit.
Të mërkurën, në orën 17:00, Besa do të presë Turbinën në Stadiumin “Niko Dovana” të qytetit të Durrësit, ndërkohë që, në të njëjtën orë dhe në të njëjtën ditë, në Stadiumin Kombëtar “Qemal Stafa”, do të zhvillohet sfida Tomori-Erzeni. Këto përballje pritet të zgjidhin dhe enigmat e fundit të sezonit, për të konfiguruar më qartë sezonin e ardhshëm në të gjitha kategoritë.
“Play-Out”-i midis
Kategorisë së Parë &
Kategorisë së Dytë
Të mërkurën, 20 maj 2015:
Besa – Turbina (17:00)
Stadiumin “Niko Dovana”, Durrës
Tomori – Erzeni (17:00)
Stadiumi Kombëtar “Qemal Stafa”, Tiranë
Kategoria e Parë
Finalja:
Të shtunën, 23 maj 2015:
Bylis – Tërbuni (17:00)
Stadiumi “Elbasan Arena”, Elbasan
Kategoria e Parë
Finalja:
Të shtunën, 23 maj 2015:
Gramshi – Korabi (17:00)
Stadiumi Kombëtar “Qemal Stafa”, Tiranë
