ASNN – Trajneri i “portokallinjve” habit me deklaratën e tij në Katar. Edhe pse me përqendrimin në maksimum, trajneri i Holandës, Luis Van Gaal, është siguruar që si gjithmonë të jetë larg të mërzitshmes në konferencën për shtyp. I pyetur si janë zgjedhur numrat e fanellave, Van Gaali tha se “e ka marrë këtë vendim në bazë të moshës së lojtarëve.” Është një personazh që kurrë nuk nguron të habisë me deklaratat e tij dhe Luis van Gaal nuk zhgënjen sërish.
Në fakt, Holanda ka mbërritur prej dy ditësh në Katar, ku është përqendruar tërësisht te përgatitjet e ndeshjes së saj të parë kundër Senegalit, duke marrë parasysh faktin që “Tulipanët” janë ndër të paktat ekipe pjesëmarrëse në Botëror që nuk kanë planifikuar asnjë miqësore gjatë kësaj jave. Edhe pse me përqendrimin në maksimum, trajneri veteran është siguruar që si gjithmonë të jetë larg të mërzitshmes në konferencën për shtyp, ku e ka nisur duke folur për të drejtat e tifozëve.
“Ju e dini që unë asnjëherë nuk e kam problem të them mendimin tim, pak rëndësi ka çfarë mendojnë të tjerët”, – ka thënë 71-vjeçari, duke vijuar: “Nëse tifozët nuk duan të vijnë, atëherë kanë të gjithë të drejtën e tyre të mos e bëjnë. Nëse e bojkotojnë, është e drejta e tyre, por ne synojmë t’i shkojmë deri në fund të turneut dhe atëherë po, që njerëzit do të vijnë të na shikojnë për të parë sa të zotë jemi.” Më pas, trajneri holandezja vijuar me një deklaratë interesante mbi numrin e fanellave të lojtarëve të tij.
I pyetur si janë zgjedhur numrat e fanellave, Van Gaali u përgjigj: “Numrat e fanellave i kam vendosur unë dhe e kam marrë këtë vendim në bazë të moshës së lojtarëve.” Një fjali që u mor si shaka mes gazetarëve, por trajneri nxitoi të këmbëngulte: “Jo, nuk është shaka, unë jam gjithmonë serioz gjatë një konference për shtyp.” Por, duke i hedhur një sy shpërndarjes së numrave, vërtet që portieri 39-vjeçar i Ajaksit, Remko Pasver, ka marrë numrin 1, por 2 do të jetë në shpinën e 21-vjeçarit Timer.
Ndërkohë, një numër lojtarësh kanë mbartur numrat që mbajnë me klubet, teksa është reflektuar edhe hierarkia e 11-shes së parë.
