ASNN – Trajneri boshnjak udhëheq përfaqësuesen e 4-t të ndryshme drejt kualifikimit. Nëse dëshironi që përfaqësuesja e vendit tuaj të shkoj në fazën finale të një Botërori, atëherë është një emër që duket se ua garanton këtë. Dhe ai është trajneri boshnjak, Vahd Halilhoxhiç, i cilë bërë i pari që udhëheq 4 ekipe të ndryshme përfaqësuese në Botëror.
Me kualifikimin e Marokut në Kampionatin Botëror, 69-vjeçari është bërë i pari që ka dërguar në fazën finale të një Botërori 4 ekipe të ndryshme përfaqësuese përgjatë karrierës së tij. Tri prej këtyre përfaqësueseve janë afrikane dhe njëra aziatike, teksa, përveç Marokut, Halilhoxhiçi ka çuar në Botëror përfaqësuesen e Bregut të Fildishtë, të Algjerisë dhe të Japonisë.
Bregun e Fildishtë boshnjaku e dërgoi në Botërorin e vitit 2010, Algjerinë në atë të 2014-ës dhe atë të Japonisë më 2018-n. Tani Halilhoxhiç do të provojë të kalojë fazën e grupeve me Marokun në Botërorin e 2022-ës, që do të ishte hera e parë në karrierën e tij. Ish-futbollisti i njohur i përfaqësueses së Ish-Jugosllavisë, që ka luajtur vetë si lojtar në Botërorin e 1982-shit në Spanjë, shkon kështu për herë 5-të, një herë si futbollist e 4 herë si trajner në fazën finale të festivalit më të madh futbollistik në planet.
Duhet theksuar se skuadra e Marokut e arriti kualifikimin edhe me mungesën e një lojtari të spikatur, Hakim Zijek, i cili ka patur një përplasje me trajnerin boshnjak. Në betejën e “play-off”-eve të kontinentit afrikan, Maroku mori një barazim 1-1 në ndeshjen e parë në fushën e RD të Kongos, duke vijuar të fitojë 4-1 në ndeshjen e kthimit dhe duke siguruar vendin në Botëror.
