ASNN – UEFA e ka cilësuar Shqipërinë si përfaqësuesen më të mirë të Eliminatoreve të Evropianit “Francë 2016. Në një artikull në faqen e saj zyrtare në Internet, në një listë të kulmeve të rrugëtimit drejt Evropianit të vitit të ardhshëm, organizmi që qeveris futbollin kontinental, e ka përzgjedhur Shqipërinë si skuadrën e Eliminatoreve. Arritja historike, për herë të parë në fazën finale të një Kampionati Evropian, ka bërë që Shqipëria të përzgjidhet si skuadra më e mirë e “Euro 2016”-tës nga organizmi që qeveris futbollin kontinental, UEFA.
Në një artikull në faqen e saj zyrtare në Internet, në një listë të kulmeve të rrugëtimit drejt Evropianit të vitit të ardhshëm, UEFA.com e ka përzgjedhur Shqipërinë si skuadrën e Eliminatoreve. Në përshkrimin e saj, UEFA theksonte se “në evenimentin e zgjeruar me 24 skuadra, ka disa ekipe debutuese si Uellsi, Irlanda e Veriut dhe Sllovakia”. “Por, nëse të gjitha këto skuadra kanë luajtur nëpër Botërorë dhe Islanda arriti deri në fazën e “play-off”-ti të “Brazil 2014”, për Shqipërinë kjo është një ecuri e paprecedentë, – shkruan UEFA.com.
Më tej, kjo faqe ka vijuar: “Shqipëria i nisi Eliminatoret në vazon e 5-të, por prapa Islandës dhe Irlandës së Veriut, e pozicionuar në vendin e 41-të në renditjen e UEFA-s, ndërsa pjesëmarrjet në fazën finale të një Evropiani ishin regjistruar nga Kombëtarja e Nën-18-vjeçarëve në vitin 1982 dhe nga përfaqësuesja e 16-vjeçarëve në vitin 1995. Por që nga fitorja në ndeshjen e parë në Portugali, kuqezinjtë nuk para e kthyen kokën më prapa, edhe pse kualifikimi i tyre u vonua disi dhe u vulos në fitoren 3-0 në Armeni në fundjavë.”
Përshkrimi i UEFA.com mbyllet me fjalët e trajnerit Xhovani De Biazi: “Kur thashë se Shqipëria mund t’ia dilte, ata qeshën me mua”.