ASNN – Organizmi që qeveris futbollin kontinental, UEFA ka publikuar formacionin e Evropës për vitin 2015, të bazuar mbi votat e mbledhura në faqen zyrtare. Barcelona është skuadra që ka më tepër futbollistë në këtë formacion, pesë, e ndjekur nga Reali i Madridit me tre, dhe Bajerni i Mynihut me dy.
Në këtë ekip ideal, të vendosur me skemën 4-3-3, porta i është besuar gardianit të Bajernit të Mynihut, Manuel Nojer, ndërsa përpara tij, në mbrojtje rreshtohet një tjetër lojtar i Bajernit, David Alaba, dy futbollistët e Barcelonës, Alvesh dhe Piké, si dhe një i Realit të Madridit, Serxhio Ramos.
Në mesfushë, krahas Andes Injestës së Barcelonës rreshtohen Pol Pog-baja i Juventusit dhe Hames Rodrigezi i Realit të Madridit, ndërsa në sulm, ylli portugez i madrilenëve, Kristiano Ronaldo, është vendosur përkrah dyshes së katalanëve, Lionel Mesi-Nejmar.
