ASNN – Janë zhvilluar të premten ndeshjet e fazës finale në turneun e ekipeve përfaqësuese rajonale për moshën Nën-15-vjeçarëve. Fituese e kësaj grupmoshe është shpallur Tirana, që ka mundur në finale Durrësin, me rezultatin e thellë 8-0. Skuadra kryeqytetase e drejtuar nga trajneri Glen Daja tregoi superioritet në këtë finale, duke e mbizotëruar takimin dhe duke triumfuar me goleadë.
Në ceremoninë e dorëzimit të trofeut ishin të pranishëm edhe Përgjegjësi i zbulimit të talenteve në Federatën Shqiptare të Futbollit, Xhemal Mustedanagiҫ, dhe eksperti i futbollit, Sulejman Mema, i cili është edhe pjesë e sektorit të Ekipeve Kombëtare në FSHF. Tirana e Nën-15-vjeçarëve vinte në këtë finale pasi kishte fituar në fazën e parë të turneut sfidën e parë me ekipin përfaqësues rajonal të Lezhës në shifrat 11-1.
Më pas, kryeyqteti ka fituar edhe duelin me ekipin e Korçës me rezultatin 1-0. Ndërsa, ekipi përfaqësues rajonal i Durrësit, me trajner Shpëtim Kuçin, kishte mundur 5-0në sfidën e parë të turneut ekipin e Gjirokastrës dhe më pas mposhti ekipin e Fierit pas penalltive me kohën e rregullt që u mbyll në barazim 0-0. Turneu i ekipeve përfaqësuese rajonale për moshat Nën-15, Nën-14 dhe Nën-13-vjeç ka nisur që më datë 12 janar 2021.
Qëllimi i këtij turneu është evidentimi i talenteve të reja që militojnë në kampionatet rajonale të FSHF-së dhe vëzhgimi i tyre nga stafi i ekipeve kombëtare. Në këtë turne marrin pjesë ekipet përfaqësuese rajonale të këtyre 3 grupmoshave nga Tirana, Durrësi, Fieri, Shkodra, Elbasani, Korça, Lezha dhe Gjirokastra. Në ditët në vijim do të zhvillohen edhe fazat finale për kategorinë e moshave Nën-13 dhe Nën-14-vjeç, ndërkohë që stafet teknike të të gjitha ekipeve kombëtare kanë ndjekur talentet e vegjël në aksion.
Nën-15-vjeçarët
(datëlindja 2007)
Ekipet: Fieri, Elbasani, Durrësi, Gjirokastra
Të mërkurën,13 janar 2021:
(Aneksi i Stadiumit “Loni Papuçiu”, Fier)
Gjysmëfinalet:
Fieri – Elbasani 4-2
Durrësi – Gjirokastër 5-0
Finalja:
Fieri-Durrësi 0-0 (3-5 pas 11-m.)
Ndeshja për vendin e 3-të & të 4-t:
Elbasan – Gjirokastër 7-3
Ekipet: Tiranë, Korçë, Shkodër, Lezhë
Të martën,12 janar 2021:
(Kompleksi sportiv “Qendra Ekipeve Kombëtare”, Kamëz)
Tirana – Lezha 11-1
Korça – Shkodra 2-1
Finalja:
Tirana – Korça 1-0
Ndeshja për vendin e 3-të & të 4-t:
Lezha – Shkodra 3-2
Faza finale
Të premten,15 janar 2021:
(Kompleksi sportiv “Qendra Ekipeve Kombëtare”, Kamëz)
Finalja:
Tirana – Durrësi 8-0
Ndeshjat për vendin e 3-të & 4-t:
Korça – Fieri 2-4
