ASNN – Frosinone, skuadra e cila për herë të parë në historinë e saj do të jetë pjesë e Serisë A, ka mbërritur që të martën në kryeqytet, ndërsa është duke u bërë gati për Turneun e 3 skuadrave, e cila do të zhvillohet të premten, me Partizanin e Teutën në Stadiumin Kombëtar “Qemal Stafa” në kryeqytet.
Kjo veprimtari do të nisë në ora 19:00, ndërsa të kuqtë kanë shpallur dhe çmimet e biletave. Kështu tribuna A dhe B do të jetë 500 lekë të rinj, D1, D2 dhe D3 nga 300 lekë të rinj.
Për fëmijët deri në moshën 15 vjeç dhe për femrat hyrja në tribunat D1, D2 dhe D3 do të jetë falas. Ndërkohë që shitja e biletave ka nisur që dje në sportelin e Stadiumit Kombëtar “Qemal Stafa”.
