ASNN – Pas fundjavës pushim, cërrikasit do t’u rikthehen përgatitjeve të hënën pasdite. Skuadra është në gjendje të mirë, pavarsisht humbjeve të fundit në miqësoret që kanë bërë. Nuk ka zgjatur shumë aventura,e sulmuesit Julian Malo tek Turbina, pasi është larguar.

Malo ka qëndruar vetëm një javë tek ekipi i Rrakllit, por ky i fundit, bashkë me stafin, nuk e ka pëlqyer. Kështu që krerët e klubit të Turbinës janë hedhur në sulm për të gjetur një tjetër sulmues cilësor.

Merkatoja vazhdon të jetë e hapur për cërrikasit deri përpara fillimit të kampionatit. Në ditët që do të vijnë,pritet të gjendet dhe bomberi i shumë pritur për Turbinën. Janë piketuar 3 të tillë mjaft të dëgjuar, por vetëm një do të veshë fanellën e verdhë këtë sezon.