ASNN – Turbina kryen detyrën në ndeshjen e radhës duke mposhtur me rezultatin e pastër 2-0 Delvinën. Ndeshja ka qenë mjaft mirë e kontrolluar nga forcat e policisë, ndërsa në ndihmë të tyre kanë ardhur dhe ato private për ruajtjen e qetësisë në Fushën Sportive “Nexhip Trungu” të Cërrikut.

Turbina e ka nisur mjaft mirë takimin duke krijuar e zotëruar lojën në çdo cep të fushës. Një pjesë e parë e dominuar kryesisht nga vendësit, me plot raste, por që nuk arritën të finalizonin në mënyrën e duhur, duke bërë që këto 45 minuta të mbyllet me rrjeta të paprekura.

Fraksioni i dytë i ndeshjes nis me një 11-metërsh për Turbinën, por që shpërdorohet nga Lena. Dominimi vazhdoi duke mos i lënë hapësirë kundërshtarit të kundërsulmonte. Ndeshjen e zhbllokoi Isarai në minutën e 70-të dhe, në fund, Lleshi vulos në të 87-n rezultatin përfundimtar 2-0 për Turbinën.

Turbina – Delvina                 2-0

Shënues: Isaraj 70′, Lleshi 87′

Turbina: Myftarago, Metaj, Xhika, Ferhati, G. Kamami (Lulgjuraj 85’), Xhelili, Kapja, Duro (Mici 66’), Xhardja, Lleshi, Biqiku (Isaraj 46’). Trajner: E. Belshi

Delvina: Çallari, Hamiti (Braculla 46’), M. Çuno, Janku, Imeri (Bila 65’), Kasimi, Bibo (Mehmeti 46’), Cama, S. Çuno, Muzhaj, Myftari. Trajner: A. Guga

Gjyqtarë: M. Dyrmishi, G. Çela, E. Aliaj (Poliçan)

Kartonë të verdhë: G. Kamami / Kasimi