ASNN – Turbina, edhe pse ka fituar dje ndaj Memaliajt, ka vuajtur shumë, ndërsa e ka përfunduar ndeshjen me rezultatin minimal 1-0. Ishte sulmuesi prrenjak, Altin Lleshi, i cili ka arritur të shënojë dhe t’i japi tre pikët skuadrës vendëse.
Turbina e ka dominuar ndeshjen, ka pasur një mori rastesh për shënim, por vetëm në minutën e 70-të ka kaluar në epërsi. Belshi është mjaft i kënaaqur me fitoren, por vështirësitë që po has ekipi në sulm nuk po arrin t’i kapërcejë.
Ekipi i Turbinës ka cilësi mjaft të mira dhe e mban nën kontroll pothuajse të gjithë lojën, por finalizimi nuk është ai i duhuri pasi po shënojnë shumë pak. Kjo fitore e kthen sërish në garën për vendin e parë ekipin cërrikas, i cili kërkon ngjitjen në Kategorinë e Parë.
Turbina – Memaliaj 1-0
Shënues: Lleshi 70′
Turbina: Miza, Metaj, Ferhati, Xhika, Kapja, Xhardja, Xhelili (F. Kamami 45’), Lena, Rrapushi (Mici 55’), Isaraj, Lleshi (Biqiku 85’). Trajner: E. Belshi.
Memaliaj: Mustafaj, Gashi, Saka, Hoxha, Skënderi, Mema (Halo 46’), Bilaj, Hima, Allaj, Jaupi, Seferi. Trajner: A. Zhupa
Gjyqtarë: E. Zhuli, A. Zalla, L. Cani (Tiranë)
Kartonë të verdhë: Lena, F. Kamami / Saka, Hoxha
