ASNN – Barazim në Berat, thyerje dyersh dhe falsifikime në protokoll. Ballshiotët në përfundim të ndeshjes kanë shkatërruar gjithçka në dhomat e zhveshjes. Drejtuesit e Tomorit pretendojnë se në protokoll kanë munguar numrat 15 dhe 21 të Bylisit. Tomori dhe Bylis janë ndarë në barazim 1-1 në Berat. Por ka qenë një ndeshje e tensionuar, e cila është shoqëruar me thyerje të dhomës së zhveshjes nga miqtë e jo vetëm kaq, por dhe me falsifikim të protokollit nga ballshiotët.
Për të gjitha këto beratasit kanë nisur dhe pretendimet e tyre në Federatën Shqiptare të Futbollit, atje ku presin dhe të tjera gjëra nga Komisioni i Disiplinës. Tensionimet e ndeshjes nisin që në minutën e 71-të, atëherë kur Tomorit i është anuluar goli i Uzunit, që sipas gjyqtarëve ka qenë në pozicion jashtë loje. Dhe për rrjedhojë këtu janë ndezur gjakrat, ndërsa nga xhepi i Klodian Shahinit janë nxjerrë 5 kartonë të verdhë dhe 2 të kuq.
E megjithatë golat kanë ardhur në fund, atëherë kur Shehaj ka shënuar në minutën e 84-t për Bylisin. Por pas pesë minutash ka barazuar Tomorit, ndërsa ballshiotët kanë vetëshënuar në portën e tyre me anë të Priftit. Dhe në përfundim 1-1. Në fakt, ballshiotët kanë pasur dy lojtarë në fushë me numrat 15 dhe 21, të cilët nuk janë regjistruar në protokollin e ndeshjes. Sipas verifikimeve të bëra pas ndeshjes, të paktën nga delegati i Federatës Shqiptare të Futbollit, ndryshimi është bërë për shkak të ndërrimit të fanellave nga ballshiotët.
Por nëse nuk janë lajmëruar gjyqtarët, atëherë Tomori ka të drejtë të pretendojë për gjithçka. Pasndeshja ka qenë shumë e acaruar. Veçanërisht tek miqtë, të cilët kanë thyer gjithçka në dhomat e zhveshjes dhe për këtë beratasit kanë bërë dhe denoncimet. Sepse të gjitha dollapët e dhomave të zhveshjes, apo dhe gjithçka tjetër është shkatërruar. Kjo ka qenë pamja e ndeshjes Tomori-Bylis 1-1.
Tomori – Bylis 1-1
Shënues: Prifti 89’(a.g.) / Shehaj 84’
Tomori: Vashaku, Avdo, Ramazani, Bishaj, Kuçi, Uzuni, B.Myzyri, Bitri, Sharavolli (Berberi), Shinko (Dervishi), Papa. Trajner: E. Memushi
Bylis: Kaloshi, Gjonbrati, Kuçi, Bualli, Prifti, Gega, Sako, Shehaj, Çaushaj (R. Prifti), Hoxhaj (Aliaj), Dervishi Trajner: R. Nenaj
Gjyqtarë: K. Shahini, F. Elezi, H. Lisaku (Durrës)
Kartonë të verdhë: Kuçi, A. Çaushaj, Myzyri / Prifti, Bualli
Kartonë të kuq: B. Myzyri / Prifti
