ASNN – Partizani ka bërë nisjen më të dobët në këtë sezon të Kampionatit Kombëtar të Volejbollit për Meshkuj, teksa dje u mposht në derbi nga Tirana me rezultatin e thellë 3-0. Skuadra e trajnerit Ylli Tomori nuk i bëri dot ballë rivalit bardheblu dhe i humbi të 3 setet.
Kështu, seti i parë, ndonëse i luftuar deri në fund, u humb 23-25, por i dyti ishte dukshëm më i mirë për Tiranën dhe u mbyll 25-21 në favor të bardhebluve . Edhe seti i tretë u dominua nga Tirana, për pasojë të kuqtë e Partizanit e humbën edhe atë 22-25 dhe krejt ndeshjen 0-3.
Kështu pas pesë javësh garë, Partizani ndodhet në vend të 7-të me 1 fitore e 3 humbje, duke pasur vetëm 3 pikë në renditje. Krejt e kundërta ndodh me Tiranën, e cila, me fitoren e djeshme në derbi, shkoi në 11 pikë, me katër fitore e një humbje, duke u ngjitur në vend të dytë, menjëherë pas Vllaznisë që ka po 11 pikë por me një ndeshje më pak.
Ndërkohë, po të shtunën, Studenti mposhti Farka Volej me rezultatin 3-1. Seti i parë u mbyll me fitoren e Studentit 25-21, i dyti me shifrat 25-20, kurse i treti u fitua nga Farka 16-25. Seti i katërt i shkoi sërish Studentit me shifrat 25-17.
Në tabelën e renditjes, Studenti ngjitet në vend të 5-të me 9 pikë, duke pasur 3 fitore e dy humbje, kurse Farka Volej me një fitore e 3 humbje ka vetëm 3 pikë.
Kampionati Kombëtar
i Volejbollit – Meshkuj
Të premten, 26 tetor 2018:
Vllaznia – Elbasani 3-0
(25-21, 25-22, 25-17)
Të shtunën, 27 tetor 2018:
Studenti – Farka Volej 3-1
(25-21, 25-20, 16-25, 25-17)
Partizani – Tirana 0-3
(23-25, 25-21, 22-25)
Të mërkurën, 31 tetor
Erzeni – Teuta (19:00)
Arena Sportive “Dhimitraq Goga”, Durrës
Skënderbeu – pushim
Renditja
Nr. Skuadra N. F. H. Pikë
- Vllaznia 4 4 0 11
- Tirana 5 4 1 11
- Erzeni 4 3 1 10
- Skënderbeu 4 3 1 10
- Studenti 5 3 2 9
- Farka Volej 4 1 3 3
- Partizani 4 1 3 3
- Elbasani 5 0 5 0
- Teuta 3 0 0 0
