Tirana është e pandalshme në volejbollin e meshkujve, ndërsa dje ka marrë kurorën e kampiones së dimrit në përfundim të fazës së parë. E ka mundur pastër Farka Volejin, 3-0, që duket se ka ndjerë dhe lodhjen e ndeshjes me Studentin në mesjavë, të cilën e pati humbur 1-3.
Madje suksesi i Tiranës ka qenë i dyfishtë dje në mbrëmje në “Farie Hoti”, të paktën për trajnerin e Farka Volejit, Dritan Bardhi, sepse më parë kishte humbur dhe ndeshjen e të rinjve 3-2. Duke mbetur tek ndeshja Farka Voleji është mundur të bëjë rezistencë, por e ka pasur të vështirë, ndërsa në setin e parë Tirana ka triumfuar 22-25.
Të njëjtën gjë ka bërë edhe në dy setet e tjera, që djemtë e Kojës i kanë fituar 20-25 dhe 21-25. Pikëshënuesi më i mirë i ndeshjes është Koçi i Farka Volejit me 16 pikë ndjekur nga Xhabrahimi i Tiranës me 15 pikë dhe Rama po i Tiranës me 14 pikë.
Në bllok ka dalë fitues Pepa i Tiranës me katër mure fituese, kurse në shërbim Qepa i Farka Volejit me katër të sakta. Në total në tre sete Farka Voleji ka shënuar 65 pikë prej të cilave 53 vetë, kurse 12 pikë kanë ardhur nga gabimet e Tiranës.
Në krahun tjetër Tirana në tre sete ka realizuar 75 pikë nga të cilat 61 vetë, kurse 14 pikë kanë ardhur nga gabimet e Farka Volejit.
Farka Volej – Tirana 0-3
(23-25, 20-25, 21-25)
Farka Volej: Deliu, Koçi, Bajrami, Metani, Qepa, Nimani, Bërdufi (L) / Vllaçaj. Trajner: D. Bardhi
Tirana: Batalli, Kasemi (L), Ndoni, Pepa, Rama, Xhija, Xhabrahimi / Arapi. Trajner: I. Koja
Gjyqtarë: A. Shehu, G. Pishtari (Tiranë)
Kampionati Kombëtar
i Volejbollit – Meshkuj
Java e 7-të
(12 dhjetor 2015)
Farka Volej – Tirana 0-3
Elbasani – Teuta 2-3
Skënderbeu – Studenti 0-3
Vllaznia pushim
Renditja
Nr. Skuadra N. F. H. Setet Pikë
- Tirana 6 5 1 16-5 15
- Studenti 6 4 2 14-8 12
- Teuta 6 4 2 14-11 11
- Farka Volej 6 3 3 12-9 10
- Vllaznia 6 4 2 12-10 10
- Skënderbeu 6 1 5 4-15 3
- Elbasani 6 0 6 4-18 1
