ASNN – Mbrojtësi Gentian Muça është rikthyer në kampin bardheblu. Ai ishte pjesë e Kukësit për një periudhë të shkurtër dymujore, teksa u aktivizua në ndeshjet e eliminatoreve të Ligës së Evropës.

Pas përfundimit të kësaj aventure lojtari ka qenë në dyshime përsa i përket vendimit për të qëndruar tek kukësianët, apo të rikthehej tek Tirana, ekip ku ai u aktivizua edhe sezonin e fundit.

Tashmë dilema ka marrë fund dhe Gentian Muça ka vendosur të rikthehet tek bardheblutë, aty ku është edhe një beniamin i tifozëve. Ai ka gjetur sërish gjuhën e përbashkët me presidentin Halili, dhe është bashkuar me ekipin.

Ndonëse fillimisht u tha se lojtari ka dëshiruar të qëndrojë tek Kukësi, dje është bërë me dije se Muça tashmë ka zgjedhur Tiranën.