ASNN – Niveli më i lartë i Kampionatit Kombëtar të Basketbollit për Meshkuj, që njihet si Superliga, ka luajtur dje dy ndeshjet e tjera të javës së tij të 18-të dhe Tirana ka përfituar më së miri nga frenimi një ditë më parë i kampionëve në fuqi të Vllaznisë, duke fituar bindshëm, 84-54 ndaj Apolonisë në Durrës dhe duke u shkëputur në krye të renditjes.

Bardheblutë kanë tashmë 35 pikë, 3 më tepër sesa shkodranët, ndërsa në vendin e tretë tashmë është konsoliduar Kamza Basket, me 29 pikë, dhe në katërtin ka mbetur Partizani, me 26 pikë, pas humbjes 49-78, që pësoi dje në Vlorë përballë Flamurtarit vendas.

Ndërkaq, Kamza Basket e Adem Muhametajt, duke fituar të premten në mbrëmje në Pallatin e Sportit “Qazim Dervishi” në Shkodër, ku ka treguar se është vërtetë një kandidate potenciale për t’u rikthyer tek titulli “kampion”. Kamzalinjtë, të mbështetur fort tek Karaj, apo dhe Daliu e të tjerët kanë bërë që pjesa e parë të fitohej nga miqtë 15-22.

Shkodranët janë munduar ta kthejnë ndeshjen në favorin e tyre, por në pushim Kamza Basket ka shkuar në dhomat e zhveshjes me epërsi 44-39, pavarësisht se Vllaznia e ka fituar këtë pjesë 24-22. Dhe ajo që ka bërë diferencën në fitoren e Kamza Basket ka qenë pjesa e tretë. Miqtë e kanë fituar atë 22-11 dhe e kanë thelluar epërsinë në 66-50.

Vllaznia, fiton pjesën e katërt 25-16. Por në fund është Kamza Basket, e cila i është gëzuar kësaj fitoreje në fushë të huaj. 75-82 për Kamza Basket, e cila forcon pozicionin në vendin e tretë, ndërsa gjithnjë e më shumë duket se po siglohen çiftet e “play-off”-it finale, Tirana-Partizani dhe Vllaznia-Kamza Basket.

Kampionati Kombëtar

i Basketbollit – Meshkuj

Superliga

Java e 18-të

(20-21 mars 2015)

Të premten:

Vllaznia – Kamza Basket   75-82

Të shtunën:

Apolonia – Tirana                54-84

Flamurtari – Partizani          78-49

Renditja

Nr.       Skuadra                     N.        F.         H.        Psh-Pp                     Pikë

1. Tirana             18        17        1        1546-1138                 35
2. Vllaznia             18        14        4        1482-1220                 32
3. Kamza Basket 18        11        7        1378-1124                 29
4. Partizani             18        8        10        1152-1295                 26
5. Flamurtari             18        3        15        1238-1382                 22
6. Apolonia             18        0        18        1081-1614                 18