14 trepikësha të realizuara nga skuadra e Juri Dashit, atje ku spikat Nasi me shtatë të tilla, që në total me 30 pikët e tij ka qenë më i miri. Tirana Eagles Basket e ka pasur të mbarë ardhjen e parë në Sallën Sportive “Farie Hoti”, atje ku në një marrëveshje me klubin shumësportësh “Tirana”, ndërsa, sipas presidentit të kësaj skuadre Klarent Dedaj, do të ketë dhe një mbështetje nga Bashkia e kryeqytetit, të gjitha ndeshjet në vazhdim do t’i luajë aty.

Por, mbi të gjitha pas dy humbjesh radhazi dje është kthyer tek fitorja, ndërsa ka “bërë” mirë “Skënderbeun”. Sepse ka fituar ndeshje me 3-pikësha. Numërohen 14 në total të realizuar nga skuadra e trajnerit Juri Dashi, atje ku spikat Nasi me 7 të tilla. Pas tij renditen Shehi me 3, Allaraj me 2 e Prodani dhe Vogli, me nga një. Madje, Nasi, me 30 pikët e tij, është dhe pikëshënuesi më i mirë i ndeshjes.

Tirana Eagles Basket ka ditur të nxjerrë jashtë loje si Habipin, ashtu dhe Ducin, Thanas, Simakun e Topin, ndërsa nuk u ka lënë hapësirë në gjuajtje. Duke e ditur mirë që arti i realizimit të trepikëshave është i korçarëve. Numërohen vetëm tre, dy Topi e një Thanas. Pas një pjese të parë në barazim, 10-10, Tirana Eagles Basket shpërthen në të dytën. Fiton 31-14 dhe në total 41-24.

Ka qenë kjo periodë që ka vulosur suksesin e skuadrës së Dashit, sepse më pas gjërat kanë qenë deri diku të vështira për ta. 17-16 e treta për Eagles dhe në total 58-40. 17-18 për Skënderbeun, por fitorja është për Eagles, 75-58. Në këtë mënyrë Tirana Eagles Basket ka “vulosur” vendin e dytë në Kategorinë e Parë, që do të thotë se në këtë gjysmë të sezonit 2016-2017 e ka të sigurt pjesëmarrjen në “play-off”-in për t’u ngjitur në Superiore. Dhe kjo është mbyllje me “Happy-End” për vitin 2016.

Tirana Eagles Basket – Skënderbeu        75-58

(10-10, 31-14, 17-16, 17-18)

Tirana Eagles Basket: Shehi (13), Musta (5), Prodani (5), Zavalani (4), Adili / Nasi (30), Allaraj (10), Laperi (2), Sako, Vogli (6), Nallbani, Paplekaj. Trajner: J. Dashi

Skënderbeu: Topi (16), Habip (15), Simaku (7), Duci (7), Thanas (9) / Germenji (4), Bala. Trajner: I. Nika

Gjyqtarë: E. Allaraj (Tiranë), B. Tafilica (Shkodër)

Kampionati Kombëtar

i Basketbollit – Meshkuj

Kategoria e Parë

Java e 10-të

(21-22 dhjetor 2016)

Të mërkurën:

Apolonia – Elbasani                                                77-69

Të enjten:

Tirana Eagles Basket – Skënderbeu       75-58

Renditja

Nr.       Skuadra                                 N.        F.         H.        Psh-Pp           Pikë

1. Partizani                                8          8          0          592-380         16
2. Tirana Eagles Basket          8          5          3          509-469         13
3. Elbasani                                8          3          5          503-562         11
4. Apolonia                                8          3          5          459-584         11
5. Skënderbeu                          8          1          7          488-566           9