Tirana Eagles Basket u është rikthyer fitoreve, ndërsa kështu ka rikuperuar jo vetëm humbjen e së martës ndaj Apolonisë, por dhe ka fiksuar vendin e dytë në renditjen e nivelit të dytë të Kampionatit Kombëtar të Basketbollit për Meshkuj, që njihet ndryshe si Kategoria e Parë.  Në fakt fitorja e të besuarve të trajnerit Klarent Dedaj ka qenë e lehtë përballë një Elbasani me djem të rinj dhe vetëm Biçokun e Matën titullar nga ekipi që filloi këtë sezon.

Elbasanasit e kanë nisur mirë, ndërsa kanë kryesuar deri në 7-10. Më pas rikuperon Eagles Basket, që falë Shehit, me 3-pikëshat e tij, apo dhe të tjerëve si Shytaj, që në pjesën e parë është i papërmbajtshëm poshtë koshit të kundërshtarit, Zavalanit, Mustës, Prodanit, Kalës, Adilit, Laperit, Nikollit e Sakos arrin të kthejë rezultatin. 18-12 pjesa e parë për Eagles. E më pas Eagles Basket duket sikur luan me vetveten. 14-8 pjesa e dytë dhe në total 32-20.

18-4 e treta dhe 26-12 e katërta dhe në përfundim 76-36 për Tirana Eagles Basket, që për të shkuar deri tek “Play-off”-i për t’u ngjitur në Kategorinë Superiore, me shumë mundësi me Ardhmërinë Basket, i kanë mbetur dhe dy ndeshje ndaj Partizanit dhe Skënderbeut. E për të gjithë këtë fitore, që ka ardhur pas humbjes ndaj fierakëve, dhe trajneri i Eagles Basket, Klarent Dedaj, ka qenë i kënaqur me lojën e tijve.

Tirana Eagles Basket – Elbasani               76-36

(18-12, 14-8, 18-4, 26-12)

Tirana Eagles Basket: Shehi (16), Shytaj (12), Allaraj, Zavalani (4), Musta (2) / Prodani (8), Kala (11), Adili (4), Laperi (3), Nikolli (3), Sako (13). Trajner: K. Dedaj

Elbasani: Biçoku (3), Mata (9), Kumbaro (3), Xhyra (4), Musaj (6) / Alla, Isufi, Kishta (7), Bahja (2), Kasemi (2). Trajner: Xh. Isufi

Gjyqtarë: G. Hoxha, O. Kasmi (Tiranë)

Kampionati Kombëtar

i Basketbollit – Meshkuj

Kategoria e Parë

Java e 18-të

(18 mars 2017)

Të shtunën:

Tirana Eagles Basket – Elbasani  76-36

Apolonia – Partizani                                    43-65

Skënderbeu                                      pushim

Renditja

Nr.       Skuadra                                 N.        F.         H.        Psh-Pp           Pikë

1. Partizani                                15        15          0        1170-707       30
2. Tirana Eagles Basket          14          9          5          926-780       23
3. Apolonia                                15          6          9          858-1051     21
4. Skënderbeu                          14          3        11          891-1002     17
5. Elbasani                                14          3        11          748-1051     17