Tirana Eagles Basket, skuadra që tashmë drejtohet nga trajneri Juri Dashi, e ka nisur mbarë sezonin në javën e dytë të nivelit të dytë të Kampionatit Kombëtar të Basketbollit për Meshkuj, që njihet si Kategoria e Parë. Ka pasur përballë Apoloninë e Odise Profkës, por që nuk e ka pasur për asnjë moment problem fitoren.

Madje fierakët, edhe pse kanë pasur dëshirën për të shfaqur më të mirën e tyre, për shkak të mbylljes së zonave nga lojtarët e Tirana Eagles Basket jo pak kanë humbur aksionet e tyre në 24 sekonda pa gjuajtur në portë. Shehi e Zavalani janë ato që kanë bërë gjithçka mirë për Eagles-in.

15-6 perioda e parë, ndërsa e dyta, e cila është luajtur pikë më pikë, sërish është fituar nga Tirana Eagles Basket, 17-16 dhe në pushim vendësit kanë kryesuar 32-22. Kjo diferencë ka ardhur duke u thelluar kur është fituar pjesa e tretë 15-7 dhe e fundit 22-13.

Sakaq një gabim teknik ka ardhur për trajnerin e Apolonisë, Odise Profka, që duket se ka nxjerrë ndonjë fjalë më shumë në momentin e sqarimit me gjyqtarin Sajmir Tafilica. Shkurt Tirana Eagles Basket e ka merituar suksesin.

Kampionati Kombëtar

i Basketbollit – Meshkuj

Kategoria e Parë

Kalendari i javës së dytë:

(21-22 tetor 2016)

Të premten:

Tirana Eagles Basket – Apolonia 69-42

Të shtunën:

Skënderbeu – Partizani                  ora 16:00

Elbasani                                            pushim

Renditja

Nr.       Skuadra                                 N.        F.         H.        Psh-Pp           Pikë

1. Apolonia                                2          1          1          116-134         3
2. Tirana Eagles Basket          1          1          0            69-42            2
3. Partizani                                1          1          0            70-55            2
4. Skënderbeu                          1          0          1            65-74            1
5. Elbasani                                1          0          1            55-70            1