ASNN – Tirana B dhe Shënkolli e kanë mbyllur në barazim ndeshjen e tyre të luajtur dje pasdite në Stadiumin “Selman Stërmasi”. E ka hapur serinë e golave Frroku për miqtë në minutën e 8-të.

Por pas dy minutash ka barazuar Kaloshi për Tiranën. Miqtë nuk e humbasin toruan dhe në minutën e 16-të, Zeçia i ka kaluar në sërish shënkollasit në epërsi. Dhe një sulm tjetër i Tiranës, që përsëri ka barazuar me Kaloshin.

Në pjesën e dytë të dy skuadrat kanë shtuar ritmin e lojës në kërkim të golit të fitores, por pas vërshëllimës së fundit të Dragushës gjithçka ka mbetur në shifrat e barabarta, 2-2 dhe Tirana B dhe Shënkolli ndajnë nga një pikë.

Tirana B – Shënkolli                                                            2-2

Shënues: Kaloshi 10’, 32’ / Frroku 8’, Zeçia 16’

Tirana B: Çela, Cara, Lika, Njebza, Lala, Çangu (Zajmi 29’), Llagami, Kaloshi, Taku (Hysenbelliu 46’), Hoxha, Kacoli. Trajner: I. Muça

Shënkolli: Sumaj, Prenga, Dodaj, Zefi, Frroku, Mashi (Gjini 76’), Pjetrushi, Marku, Keçira, Zeçia, Deda (Mirdita 46’). Trajner: A. Bruka

Gjyqtarë: B. Dragusha, J. Podgorica, K. Shemo (Shkodër)

Kartonë të verdhë: Kaloshi, Hoxha / Zeçia, Prenga, Mashi