ASNN – Mbrojtësi Thiago Silva tha se Brazili nuk është favorit në Kupën e Amerikës. Gjatë konferencës së shtypit, mbrojtësi i “Selesaos” thekson se Brazili ka bërë progres pas asaj disfate të hidhur ndaj Gjermanisë në Botërorin e vitit të shkuar, por rruga mbetet e gjatë.

“Është e paevitueshme të mos themi se po kalojmë një moment të mirë. Gjithsesi, Kolumbia ka një skuadër të mirë ashtu si edhe Argjentina që shkoi deri në finalen e Botërorit, – ka deklaruar ai. – Ne vijmë në një turne zyrtar pas humbjes së thellë ndaj Gjermanisë.”

“Por që prej asaj kohe me ne janë bashkuar lojtarë të rinj dhe kemi një skuadër ndryshe, – ka vijuar Thiago Silva. – Do të duhet pak kohë që të arrijmë të luajmë si dëshirojmë, por, pavarsisht kësaj, unë mendoj se ekipi po stërvitet mirë dhe po punojmë të gjithë si grup.”