ASNN – E përditshmja e mirënjohur britanike “The Telegraph”, e ka renditur Xhovani De Biazin të 5-tin midis 20 trajnerëve më të mirë ndërkombëtarë të momentit. “Në 4 vjet, ai i ka udhëhequr ata drejt 20-shes së parë të renditjes botërore, me fitore kundër Francës dhe Portugalisë dhe i ka kualifikuar për herë të parë për në finalet e një turne madhor”, – shkruan media britanike për trajnerin e Kombëtares kuqezi.

Suksesi i arritur me Kombëtaren kuqezi ka bërë që trajneri Xhovani De Biazi të vlerësohet gjithnjë e më tepër në arenën ndërkombëtare. Është e përditshmja e mirënjohur britanike “The Telegraph”, e ka renditur atë të 5-tin midis 20 trajnerëve më të mirë ndërkombëtarë të momentit. Në profilizimin që i bën trajnerit kuqezi, kjo e përditshme shkruan:

“I emëruar më 2011-tën dhe në një farë mënyre një zgjedhje e dorës së dytë në atë kohë, De Biazi nuk kishte drejtuar asnjë skuadër jashtë Italisë deri në atë kohë dhe po merrte përsipër drejtimin e një skuadre që renditej e 74-ta në botë. Në 4 vjet, ai i ka udhëhequr ata drejt 20-shes së parë të renditjes botërore, me fitore kundër Francës dhe Portugalisë dhe i ka kualifikuar për herë të parë për në finalet e një turne madhor. Çdokush mund t’i dëshironte shqiptarët në grup në shortin e Evropianit, por vetëm duhet patur kujdes se kjo dëshirë mund të rezultojë e rrezikshme”, – përfundon e përditshmja e mirënjohur britanike “The Telegraph”.