ASNN – Niveli i dytë i Kampionatit Kombëtar të Basketbollit për Meshkuj, që njihet si Kategoria e Parë, ka kurorëzuar Teutën si fituese të tij. Durrsakët lanë pas një sezon të suksesshëm ku udhëhoqën në renditje që në javën e parë të kampionatit.

Kësisoj, vitin e ardhshëm, ekipi bregdetar, i drejtuar nga trajneri Bekim Abrazhda do të garojë në elitën e basketbollit shqiptar të meshkujve, gjë që, në fakt, i mungon prej disa sezonesh.

Për sa i përket takimit të djeshëm ndaj Skënderbeut, durrsakët dominuan gjithçka, duke i dhuruar publikut të tyre fitoren e fundit për këtë sezon. Falë mbështetjes së madhe të tifozëve të saj, Teuta e fillon lojën krejtësisht në sulm.

Pas disa minutash, diferenca në pikë sa vjen e thellohet, për t’u fiksuar në përfundim të pjesës së parë në shifrat 28-11. Pas hodhi themelet e fitores që në fillimin e takimit, ekipi i Abrazhdës më pas nuk e kishte të vështirë të administronte rezultatin deri në fund, duke e fituar krejt takimin me shifrat 83-54.

Kampionati Kombëtar

i Basketbollit – Meshkuj

Kategoria e Parë

Java e 12-të

(27-28 mars 2015)

Të premten:

Teuta – Skënderbeu                        83-54

Të shtunën:

Studenti – Elbasani              (19:00)

Renditja

Nr.       Skuadra         N.        F.         H.        Psh-Pp                      Pikë

1. Teuta 12        9          3        861-736                     21
2. Studenti 11        7          4        709-661                     18
3. Elbasani 11        6          5        753-778                     17
4. Skënderbeu 12        1          11        730-878                     13