ASNN – Teuta ka mundur të shtunën Vllazninë me rezultatin 2-0, me nga një gol të shënuar për secilën pjesë loje, në takimin e vlefshëm për javën e 29-të të Kategorisë Superiore. Kjo ndeshje u soll për sportdashësit drejtpërdrejt nga Rrjeti i Radio-Televizionit Shqiptar.
Në takimin tjetër të ditës, të luajtur Pukë, Tërbuni ka pritur Bylisin në duelin e fundtabelës së renditjes, që është fituar minimalisht nga ballshiotët. Kështu, Kategoria Superiore e Kampionatit Kombëtar të Futbollit ka luajtur të shtunën dy ndeshjet e para të javës së saj të 29-të, që nisën të dyja në ora 16:00. Në Pukë, Tërbuni ka pritur Bylisin në duelin e fundtabelës së renditjes, që është fituar minimalisht nga ballshiotët.
Ndërsa në Shkodër, në Fushën Sportive “Reshit Rusi”, Vllaznia është përballur me Teutën. Kjo ndeshje, që u soll për sportdashësit drejtpërdrejt nga Rrjeti i Radio-Televizionit Shqiptar, u fitua nga durrsakët me rezultatin 2-0, me nga një gol të shënuar për secilën pjesë loje.
3 ndeshjet e tjera luhen të dielën dhe duke nisur nga ora 16:00, Kukësi pret në fushën e vet Skënderbeun, ndërsa duke nisur nga ora 19:00, Laçi viziton kryeqytetin, për t’u ndeshur me Tiranën, kurse Partizani është mysafir në Vlorë, për t’u përballur me Flamurtarin vendas.
