ASNN – Tepelena nuk ka shkuar më shumë se sa barazimi pa gola me Gramshin. Ndonëse ka qenë e sponsorizuar nga Lorenc Gaba, Olsen Kajqani dhe Dritan Hyseni, të cilët e kanë pajisur skuadrën me uniformat e reja, Tepelena nuk ka mundur të gjejë fitoren.
Ndeshja ka nisur e shpejtë për të dy skuadrat, atje ku miqtë kanë bërë gjithçka për të fituar, edhe sepse ruan kryesimin me meritë në Jug. Madje një moment të Levendit për miqtë, e ka shmangur mbrojtësi Karamani, kurse në minutën e 18-të, Tepelena ka pretenduar për 11-metërsh.
Sula ka depërtuar bukur në zonën e rreptësisë së Gramshit, është penguar nga mbrojtësit miq, por për gjyqtarin Yzeiri nuk ka pasur 11-metërsh. Përkundrazi këtu është irrituar trajneri temperamental Ilir Selimi, ndërsa është dashur ndërhyrja e gjyqtarit të katërt për ta qetësuar atë.
Në minutën e 65-të, Sunda ka bërë mrekullinë kur ka shmangur një gol të Latifit, ndërsa më pas Gramshi ka mbetur me dhjetë futbollistë. Pavarësisht se kanë qenë në epërsi numerike, Tepelena s’ka mundur të fitojë dot me Gramshin.
Tepelena – Gramshi 0-0
Tepelena: Sunda, Qori, Gaba, Burhani, Karamani, Rustemi, Sula, Beluli (Gjonaj 55’, Dervishi 75’), Jaupi, Abazi (Sako 75’), Cana. Trajner: I. Selimi
Gramshi: Saraçi. Gega, Paplekaj, Hasa, Lleshi, Selimaj, Fuçia (Latifi 50’), Koçi (Xhixha 85’), Gjoka, Levendi, Kasi. Trajner: L. Metani.
Gjyqtarë: O. Yzeiraj, S. Hajnaj, E. Kajo (Patos)
Kartonë të verdhë: Abazi, Beluli / Lleshi, Fuçia (në stol), Gjoka.
Karton i kuq: Hasa
