Shiu i rrëmbyeshëm që vazhdon të bjerë në Paris e ka “ulur në gjunjë” edhe turneun më të rëndësishëm të tenisit botëror “Roland Garró”. Organizatorët kanë qenë të detyruar të mbyllin të gjithë programin e ndeshjeve të së hënës dhe t’i shtyjnë të gjitha takimet për sot.

Nëntë ditë turne deri më tani të pafat duke parë që vetëm të enjten dhe të premten e kaluar shiu ka bërë një “armëpushim”. Shiu, që rihap kështu një polemikë të vjetër për çatinë e kompleksit, por që përpara 2020 nuk bëhet fjalë për ta mbuluar.

Kështu ka thënë ish-tenisti Gi Forzhe, drejtori i turneut. Dhe në turin e 16-shes të “Roland Garró” kanë mbetur për t’u luajtur 4 ndeshje për meshkuj dhe 6 për femra të ndërprera për shkak të shiut.

“Roland Garró” 2016

Rezultatet e turit të 16-shes:

Meshkuj:

Të luajtura:

Ramos – Raoniç      3-0 (6-2, 6-4, 6-4)

Varinka – Troicki      3-1 (7-6, 6-7, 6-3, 6-2)

Gasket – Nishikori   3-1 (6-4, 6-2, 4-6, 6-2)

Mërrej – Isner            3-0 (7-6, 6-4, 6-3)

Për t’u luajtur:

Xhokoviç – Bautista Agut

Ferrer – Berdish

Granolers – Tiem

Gofin – Gulbis

Femra

Të luajtura:

Roxhers – Begu                   2-0 (6-3, 6-4)

Muguruza – Kuznetsova    2-0 (6-3, 6-4)

Halep – Stosur                     e ndërprerë (5-3, ?)

Pironkova – Radvanksa     e ndërprerë (2-6, 0-3?)

Për t’u luajtur:

S. Uilliams – Svitolina

S. Navarro – Putinseva

Bertens – Keis

V. Uilliams – Bazinski