Stanislas Vavrinka i thotë lamtumirë Turneut të Hapur të Tenisit, “Australian Open 2016”, që po mbahet në Melbërn. Tenisti zviceran, fitues i kësaj veprimtarie në vitin 2014, u mund në turin e katërt nga Milos Raoniç me rezultatin 3-2, pas 3 orë e 44 minutash lojë. Kanadezi, i cili nuk e kishte mundur kurrë më parë Vavrinkën, në këtë ndeshje shënoi 24 shërbime dhe 82 pikë fituese dhe tashmë e sheh veten në çerekfinalen e “Australian Open” për të dytin vit radhazi.

Raoniç ishte superior ndaj Vavrinkës në dy setet e pare, të cilët i fitoi 6-4 dhe 6-3, por numri 4 i botës u rikthye në lojë, duke fituar dy të tjerët 7-5 dhe 6-4, për ta çuar ndeshjen në set final. Në këtë moment, Raoniç u shfaq sërish më mirë se Vavrinka dhe e fitoi këtë fraksion të lojës 6-3 dhe krejt ndeshjen 3-2. Në çerekfinale, Raoniç do të përballet me Gael Monfis, i cili eliminoi Kuznjecovin, pas fitores 3-1.

Në kampin e femrave, Viktoria Azarenka bëri detyrën në sfidën me Barbara Stricova, duke e fituar atë me rezultatin 2-0. Tenistja bjelloruse, 2 herë fituese e “Australian Open”, u kualifikua për në fazën çerekfinale të këtij turneu për herë të pestë në karrierën e saj. Ish-numri 1 i botës ishte dominuese në përballjen me Stricovën, duke i fituar setet e takimit 6-2 dhe 6-4 në 1 orë e 26 minuta lojë. Kundërshtarja e radhës për Azarenkën, e cila kërkon titullin e tretë në Melburn, është Angelika Kerber, që mposhti Anika Bek 2-0 (6-4 dhe 6-0).

“Australian Open 2016”

Rezultatet teknike të turit të 16-shes

Meshkuj

Xhokoviç – Simon               3-2

Nishikori – Tsonga              3-0

Federer – Gofin                    3-0

Berdish – Agut                     3-2

Monfils – Kuznetsov                       3-1

Raoniç – Vavrinka               3-2

Ferrer – Isner                        3-0

Mërrej – Tomiç                      3-0

Femra

S. Uilliams – Gasparian       2-0

Sharapova – Bençiç                        2-0

Radvanska – Friedsam       2-1

S. Navarro – Gavrilova 2-1

Kerber – Bek                         2-0

Azarenka – Striçova                        2-0

Konta – Makarov                  2-1

Zhang – Kejs                                    2-1

Shorti i çerekfinaleve

të turneut të Melbërnit

Meshkuj

Xhokoviç – Nishikori

Federer – Berdish

Raoniç – Monfils

Mërrej – Ferrer

Femra

S. Uillimas – Sharapova

Radvanska – S. Navarro

Kerber – Azarenka

Konta – Zhang