ASNN – Takimet e orës 21:00 kanë mbyllur edhe raundin e dytë të ndeshjeve në grupe të Ligës së Evropës dhe, interesant është faktin se vetë në një takim ka fituar ekipi udhëtues, 3 takime janë mbyllur në barazim, ndërsa 9 të tjerat janë fituar nga vendaset. Kështu, në grupin G, kryesuesja pas ndeshjeve të para, Rapidi i Vjenës, ka vizituar Skocinë për t’u ndeshur me ekipin e Gllasgou Rejnxhërs, ku është mundur 1-3 nga vendasit.
Ndërsa Spartaku i Moskës, që e humbi ndeshjen e parë, është ndarë me një barazim 3-3 në fushën e vet me Vijarealin. Skocezët kryesojnë me 4 pikë, një më tepër sesa austriakët dhe dy më tepër sesa spanjollët. Në grupin H, përballja e dy kryesueseve pas ndeshjeve të para, Eintrahtit të Frankfurtit dhe Lacios, që erdhi drejtpërdrejt në Rrjetin e Radio-Televizionit Shqiptar, u fitua nga gjermanët 4-1, ndërsa në duelin tjetër, Apoloni i Limasolit ka marrë një barazim 2-2 në fushën e vet Olimpikun e Marsejës.
Gjermanët kryesojnë me 6 pikë, të ndjekur nga italianët me 3. Beshkiktashi dhe Genku, që kryesonin grupin I me pikë të plota pas ndeshjeve të para, kanë vizituar përkatësisht suedezët e Malmoes dhe norvegjezët e Sarpsborg 08-ës, duke dalë të dy të mundur, përkatësisht 0-2 dhe 1-3. Të 4 skuadrat e këtij grupi kanë nga 4 pikë secila, ndërsa në grupin J, Sevilja dhe Krasnodari, që i patën fituar ndeshjet e para, u përballen me njëra-tjetrën në Rusi dhe vendasit kanë fituar 2-1, duke marrë kreun e renditjes.
Ndërsa në duelin tjetër, Standardi i Liezhit ka fituar 2-1 në Belgjikë ndaj turqve të Akhisarsporit. Në grupin K, gjithçka ka nisur në ora 16:50, me takimin midis Astanës dhe francezëve të Renës, që u fitua nga kazakët 2-0. Në mbrëmje, Dinamo e Kievit ka marrë një barazim 2-2 me Jablonecin në fushën e kësaj të fundit. Pas ndeshjeve të dyta, Astana kryeson renditjen me 4 pikë, e ndjekur nga Rena me 3 dhe ukrainasit me dy.
Dhe, së fundi, në grupin L, BATE Borisovi dhe Çellsi, që i kishin fituar takimet e para, pritën në shtëpi përkatësisht PAOK-un e Selanikut dhe Vidin. Bjellorusët janë mundur 1-4 nga grekët, ndërkohë që londinezët mundën me një gol të vetëm hungarezët dhe kryesojnë renditjen me pikë të plota, 6, të ndjekur nga PAOK-u dhe BATE, me nga 3 pikë secila.
