ASNN – Më datën 20 shtator 2015, u zhvillua në kryeqytetin e Malit të Zi, Podgoricë, Turneu Ndërkombëtar i Taekundosë, ”Trofeu i Parë i Malit të Zi”, në të cilin morën pjesë rreth 30 klube nga 7 shtete të ndryshme të rajonit, si Shqipëria, Kosova, Serbia, Mali i Zi, Bosnjë-Hercegovina, Kroacia dhe Sllovenia.

Nga Shqipëria morën pjesë 6 klube, e më konkretisht “Top Gym Sport”, Tirana, “Sun Ray”, Studenti, Elbasani dhe Vllaznia. Një rol shumë të rëndësishëm në këtë veprimtari luajtën dhe 4 gjyqtarët e Federatës Shqiptare të Taekundosë (FSHT), të cilët ishin pjesë e trupës gjykuese të këtij turneu.

Në këtë veprimtari, ekipi i “Top Gym Sport”, i drejtuar nga Leo Kapri, mori pjesë me 10 sportistë dhe zuri vendin e dytë për kategorinë e të rinjve dhe paratërinjve, kurse sportistja më e mirë për fëmijë u shpall Erilda Rrushi. Ja dhe rezultatet e sportistëve të tjerë të ekipit “Top Gym Sport”.

Nr.       Sportistja                    Pesha                        Niveli              Renditja

1. Ada Demneri – 53 kg            Të Rritura      Vendi i parë
2. Donaldo Dizdari – 68 kg            Të Rinj           Vendi i dytë
3. Krisantho Quka – 55 kg            Të Rinj           Vendi i dytë
4. Armando Laska – 63 kg            Të Rinj           Vendi i parë
5. Arlind Lushaj – 53 kg            Paratërinj       Vendi i dytë
6. Arjel Rrushi +65 kg            Paratërinj       Vendi i parë
7. Glikeria Quka – 55 kg            Paratëreja       Vendi i dytë
8. Erjon Sylshabanaj – 43 kg            Fëmijë            Vendi i tretë
9. Osvaldo Zhuzhi – 30 kg            Fëmijë            Vendi i dytë
10. Erilda Rrushi – 30 kg            Fëmijë            Vendi i parë