Niko Rosberg, piloti i Mercedesit, ka dominuar në Çmimin e Madh të Japonisë dje në Suzuka dhe e hipotekon seriozisht Kampionatin Botëror të Formula 1, teksa është 33 pikë përpara Hemiltonit.
Dhe gjithçka ndodh, ndërsa deri në fund të Botërorit kanë mbetur dhe 4 gara. I dyti është Verstapeni, pas një dueli spektakolar me Hemiltonin. Pastaj “Ferrari” i Fetelit dhe Raikonenit.
Dhe plotësojnë 10-shen e parë Riçiardo, Perezi, Hulkenbergu, Masa dhe Botasi. Rosberg, i cili ka qenë i pari në provat zyrtare, është vendosur menjëherë në krye të garës.
Por gjithçka nis keq për Hemiltonin, që rrëshqet në vendin e 8-të, pas Raikonenit, që është nisur në fakt i 8-ti për shkak të zëvendësimit të kambios. Gjermani bën garën i vetëm dhe arrin të marrë suksesin e 23-të të karrierës dhe, të 9-tin sezonal.
Për “Mercedes”-in si ekip, tashmë ky është botërori i tretë i fituar radhazi.
Çmimit i Madh të Japonisë
(Suzuka 2016)
Rezultatet teknike të garës:
1) N. Rosberg (Gjermani) Mercedes 1h26’43”333
2) M. Verstapen (Holandë) Red Bull + 4”978
3) L. Hamilton (Britani e Madhe) Mercedes + 5”776
4) S. Fetel (Gjermani) Ferrari + 20”269
5) K. Raikonen (Finlandë) Ferrari + 28”370
6) D. Riçiardo (Australi) Red Bull + 33”941
7) S. Perez (Meksikë) Forca India + 57”495
8) N. Hulkenberg (Gjermani) Forca India + 59”177
9) F. Masa (Brazil) Uilliams + 1’37”763
10) V. Botas (Finlandë) Uilliams + 1’38”323
11) R. Groszhon (Francë) Has + 1’39”254
12) Xh. Palmer (Britani e Madhe) Renault + 1 xhiro
13) D. Kviat (Rusi) Toro Roso + 1 xhiro
14) K. Magnusen (Danimarkë) Renault + 1 xhiro
15) M. Erikson (Suedi) Sauber + 1 xhiro
Renditja e përgjithshme e pilotëve:
1) N. Rosberg (Gjermani) Mercedes 313 pikë
2) L. Hamilton (Britani e Madhe) Mercedes 280 pikë
3) D. Riçiardo (Australi) Red Bull 212 pikë
4) K. Raikonen (Finlandë) Ferrari 170 pikë
5) S. Vetel (Gjermani) Ferrari 165 pikë
6) M. Verstapen (Holandë) Red Bull 165 pikë
7) V. Botas (Finlandë) Uilliams 81 pikë
8) S. Perez (Meksikë) Forca India 80 pikë
9) N. Hulkenberg (Gjermani) Forca India 54 pikë
10) F. Masa (Brazil) Uilliams 43 pikë
11) F. Alonso (Spanjë) Mekklaren 42 pikë
12) K. Sainz Junior (Spanjë) Toro Roso 30 pikë
13) R. Groszhon (Francë) Has 28 pikë
14) D. Kviat (Rusi) Toro Roso 25 pikë
15) Xh. Baton (Britani e Madhe) Mekklaren 19 pikë
16) K. Manjusen (Danimarkë) Renault 7 pikë
17) P.Vehrlein (Gjermani) Manor 1 pikë
18) Xh.Palmer (Britani e Madhe) Renault 1 pikë
19) S.Vandorne (Belgjikë) Mekklaren 1 pikë
Renditja e përgjithshme e konstruktorëve
1) Mercedes 593 pikë
2) Red Bull 385 pikë
3) Ferrari 335 pikë
4) Forca India 134 pikë
5) Uilliams 124 pikë
6) Mekklaren 62 pikë
7) Toro Roso 47 pikë
8) Has 28 pikë
9) Renault 8 pikë
10) Manor 1 pikë
