ASNN – Ai pranon se nuk do largohet, por do të ndihmojë skuadrën për të realizuar objektivin. Suso këto vitet e fundit ka qenë një nga lojtarët më të rëndësishëm të Milanit, e ndër të paktët që ka patur oferta të rëndësishme nga klube të mëdha evropiane. Por tani ylli i Milanit nuk ka ndër mend të largohet, dhe synimi i tij është kthimi i skuadrës në Ligën e Kampionëve.
Këtë gjë ai e ka pohuar para mediave italiane. “Milani duhet të luajë në Ligën e Kampioneve, nuk është një ëndërr, është një objektiv i detyruar për ne, – ka deklaruar Suso. – Historia e thotë qartë, kjo skuadër duhet të luajë në elitën e futbollit evropian. Jemi në një moment të mirë, edhe pse kemi pasur shumë dëmtime, çka na ka vendosur në vështirësi të mëdha.”
Futbollisti i skuadrës milaneze ka vlerësuar shumë edhe trajnerin Gatuzo. “Ai është shumë i rëndësishëm për këtë ekip, më ka dhënë dhe i kam dhënë shumë, – ka thënë Suso. – Ka bërë një punë të shkëlqyer në një situatë aspak të këndshme”. Ai ka shprehur shqetësimin e tij edhe për situatën e drejtuesve gjatë këtyre 3 viteve tek Milani. “Tre ndërrime pronarësh në 3 vite i heqin stabilitetin klubit dhe ekipit”, përfundoi Suso.
