ASNN – Basketboll meshkuj, sot luhen 4 ndeshje për javën e 17-të. Kështu, Superliga e Kampionatit Kombëtar të Basketbollit për Meshkuj vijon me takimet e sezonit të rregullt, teksa sot do të zhvillohen 4 ndeshjet të vlefshme për javën e 17-të, ndërsa e 5-ta luhet nesër.
Sfida që hap javën do të luhet duke nisur nga ora 15:00 në Korçë, me Skënderbeun e vendit të fundit që pret Teutën. Më pas, duke nisur nga ora 16:30 Flamurtari do të matë forcat me Vllazninë në Vlorë. Ndeshja e 3-të e ditës do të nisë në orën 18:00, teksa Elbasani pret Kamzën në Pallatin e Sportit “Tomorr Sinani”.
Ndërkaq, kampionia në fuqi, Tirana, udhëton drejt Vlorës, teksa do të përballet në fushë të huaj në takimin që nis në orën 18:30 me Fieri Basketin. Java e 17-të do të mbyllet të enjten, me ndeshjen ndërmjet Besëlidhjes dhe Apolonisë, që luhet duke nisur nga ora 17:30 në Pallatin e Sportit “Asllan Rusi” në kryeqytet.
Lezhjanët e trajneri Afrim Bilali po zhvillojnë një kampionat të jashtëzakonshëm, teksa mbeten e vetmja skuadër e pamposhtur, me 14 fitore në po kaq takime të luajtura.
