Superiori ka pasur vështirësi për të mundur Skënderbeun, që, për pak ishte duke bërë surprizën në sallën kryesore të Pallatit të Sportit “Asllan Rusi” në kryeqytet, në takimin e vlefshëm për javën e 12-të të nivelit të dytë të Kampionatit Kombëtar të Basketbollit për Meshkuj, që njihet si Kategoria e Parë.
Korçarët tregohen të saktë në gjuajtjet e tyre aq sa kanë fituar pjesën e parë 11-16 dhe, më pas, e dyta është vetëm me një pikë diferencë në favor të Superiorit, 17-16, por që e mban Skënderbeun në epërsi 28-32. Epërsi që ka ardhur duke u thelluar deri në 33-38. Por vetëm kaq.
Superiori merr frenat e lojës në dorë dhe Beqo, Pregja, Gjeçi, Jareci, Shushku apo dhe Qilimi arrijnë të përmbysin. 21-10 ka qenë pjesa e tretë, e cila i ka vënë vulën e suksesit për Superiorin, që ka shkuar në 49-42. E fundit përsëri për Superiorin, 21-17, dhe në fund një fitore 70-59.
Por duket se kjo fitore nuk është se ka shprehur më të mirën e skuadrës së trajnerit Eduard Çarçani, aq sa dhe trajneri ka qenë i pakënaqur. Për t’u evidentuar është gabimi teknik një nga ndihmëstrajnerët e Superiorit, Redi Shqevi, për protesta. E megjithatë, Superiori e ka fituar ndeshjen.
Superior – Skënderbeu 70-59
(11-16, 17-16, 21-10, 21-17)
Superiori: Pregja (17), Ferra, Shytaj, Beqo (20), Gjeçi (13) /Jareci (5), Shushku (5), Qeleshi, Shehi, Qilimi (10). Trajner: E. Çarçani
Skënderbeu: Thanas (15), Simaku (6), Habip (10), Topi (18), Duci (10) / Bala, Nika, Terolli, Gërmenji, Qazimllari. Trajner: I. Nika
Gjyqtarë: M. Kasëmi (Vlorë), J. Muho (Tiranë)
Kampionati Kombëtar
i Basketbollit – Meshkuj
Kategoria e Parë
Java e 12-të
(5-6 mars 2016)
Të shtunën:
Superiori – Skënderbeu 70-59
Elbasani pushim
Të dielën:
Ardhmëria Basket – Tirana Eagles (ora 18:00)
Renditja
Nr. Skuadra N. F. H. Psh-Pp Pikë
- Superior 10 7 3 705-527 17
- Elbasani 9 7 2 712-544 16
- Ardhmëria 8 7 1 560-375 15
- Skënderbeu 10 1 9 524-685 11
- Tirana Eagles 9 1 8 411-654 10
