ASNN – Edhe niveli i dytë i Kampionatit Kombëtar të Basketbollit për Meshkuj, që njihet si Kategoria e Parë, ka luajtur të shtunën dy ndeshjet e javës së 16-të të tij dhe skuadra e trajnerit Eduard Çarçani është lodhur shumë për të fituar ndaj ekipit të homologut Klarent Dedajt, që dje ka bërë një nga ndeshjet më të mira të këtij sezoni.

Por fundi për të është gjithnjë i parashikueshëm dhe Superiori ka mposhtur Tirana Eagle me shifrat 78-49, duke ruajtur kreun e renditjes me 23 pikë, një më tepër sesa rivalja kryesore, Ardhmëria Basket, që dje ka qenë pushim dhe që ka luajtur një ndeshje më pak.

Në takimin tjetër, Elbasani nuk ia ka dalë dot që të fitojë në përballjen me Skënderbeun, të luajtur dje në Pallatin e Sportit “Tomorr Sinani”, teksa pas kohës shtesë është mundur në shifrat 80-78. Në një ndeshje të bukur dhe emocionuese, miqtë janë treguar më të saktë dhe më të qetë në rastet e tyre, duke ia dalë të fitojnë përballë verdhebluve.

Kampionati Kombëtar

i Basketbollit – Meshkuj

Kategoria e Parë

Java e 16-të

(2 prill 2016)

Të shtunën:

Elbasani – Skënderbeu      78-80

Superiori – Eagles               78-49

Ardhmëria Basket                pushim

Renditja

Nr.       Skuadra                     N.        F.         H.        Psh-Pp           Pikë

1. Superior                     13        10          3        949-694         23
2. Ardhmëria Basket    12        10          2        868-607         22
3. Elbasani                    13          8          5        977-866         21
4. Skënderbeu              13          3        10        740-918         16
5. Tirana Eagles           13          1        12        637-959         14