ASNN – Dygolëshi i shkodranit në Kishinjev i ka dhënë shansin kampionëve të Shqipërisë që të hedhin hapin e parë të sigurtë drejt “play-off”-it të Ligës së Kampioneve për të realizuar më pas objektivin minimal të vajtjes në grupet e Ligës së Evropës. Kthimi pas një jave në Elbasan
Minutat e golave:
49’ – Kundërsulm i shpejtë i Skënderbeut, Latifi ka shpërthyer nga krahu i djathtë i sulmit korçar, ka krosuar tokazi për në qendrën e zonës së rreptësisë moldave, atje ku Salihi ka shfrytëzuar maksimalisht hezitimin e dy qendërmbrojtësve vendës për të larguar rrezikun. Gjuajtje e fuqishme e Salihit dhe topi ka përfunduar në të majtë të portierit Mitu. (0-1)
72’-73’ – Nimaga në një largësi prej rreth 20 metrash prej portës moldave ka gjuajtur fort, por topi është ndalur në dorën e majtë të Shedrak dhe gjyqtari turk Goçek nuk ka hezituar të japë 11-metërsh për Skënderbeun e njëkohësisht dhe karton të verdhë për mbrojtësin e Milsamit. Nga pika e bardhë ka gjuajtur Salihi, që ka shënuar në krahun e majtë të Mitu (0-2)
Minutat e tjera:
5’ – Aksion i shpejtë i moldavëve, topi është hedhur pas shpinës së mbrojtjes korçare, atje ku ka përfituar Patras, që gjuan në pozicion diagonal me portën tonë, por për fatin e mirë të kampionëve tanë jashtë.
14’-15’ – Tri goditje këndi në zonën e rreptësisë së Skënderbeut, moldavët krijojnë panik, ndërsa Shehi ka larguar me vështirësi, kurse kështu tanët kanë zmbrapsur edhe një tjetër aksion të rrezikshëm të vendësve.
17’ – Patras i është afruar golit në portën tonë, por Shehi, me përvojën e tij të gjatë ka arritur të presë dhe të largojë rrezikun.
26’ – Dy goditje këndi radhazi për Skënderbeun, i ekzekuton Shkëmbi, Latifi çon topin në zonë, ndërsa Salihi ka rastin më të mirë të shënojë para portës moldave, por nuk arrin të konkretizojë.
37’ – Goditje këndi për Skënderbeun, topi ka përfunduar tek Nimaga, që gjuan fort, por mbi traun e portës moldave dhe asnjë rrezik për vendësit.
52’ – Korçarët pranë golit të dytë, Latifi ka vepruar mirë nga krahu i djathtë i sulmit të Skënderbeut, ka pasur për Lilajn, që gjuan fort brenda zonës së rreptësisë moldave, por mbi tra.
65’ – Tjetër kundërsulm i Skënderbeut, këtë herë me Berishën nga e majta, i cili ka pasur për Radas, që gjuan fort, por mbi tra.
90’ – Moldavët tentojnë të ngushtojnë diferencën e golave, ndërsa janë të rrezikshëm në një goditje këndi në të majtë të sulmit të tyre, por Shehi pret.
90’+5 – Abilaliaj ka shansin historik për ta vënë vulën e kualifikimit për në Play-off të Ligës së Kampionëve që në Kisinau, por topi i goditur prej tij përfundon në tra.
Milsami – Skënderbeu 0-2
Shënues: Hamdi Salihi 49’, 73’(11-m.)
Milsami: Mitu, Rhail, Erhan, Shedrak, Zarichniuk (Antoniuc 51’), Patras (Suvorov 58’), Andronic, Belak, Rasulov, Bolohan (Banoviç 73’), Bud. Trajner: I. Osipenko
Skënderbeu: Shehi, Jashanica, Vangjeli, Radas, Nimaga, Latifi (Progni 86’), Eskerdinja, Lilaj, Shkëmbi, Salihi (Abilaliaj 90’+1), Berisha (Ademir 90’+2). Trajner: M. Josa
Gjyqtarë: H. Goçek, M. Ejisoi, O. Aktash (Turqi)
Kartonë të verdhë: Rhaili, Shedrak, Bolohan, Bud
