ASNN – Edhe niveli i dytë i Kampionatit Kombëtar të Basketbollit për Meshkuj, që njihet si Kategoria e Parë, ka luajtur dje dy ndeshjet e javës së tij të 11-të dhe Studenti i drejtuar nga trajneri Henri Moja, ka korrur një fitore bindëse, 59-42, ndaj Teutës kryesuese, duke mbajtur të hapur betejën për vendin e parë, që të çon në Superligë sezonin e ardhshëm.

Teuta vazhdon të kryesojë, me 19 pikë, një më tepër sesa Studenti, ndërsa fare pranë, me 17 pikë, ndodhet edhe Elbasani i vendit të tretë. Ky i fundit nuk ka gabuar në fushën e vet, duke fituar me shifrat 86-73 ndaj Skënderbeut, që tashmë ka mbetur mjaft prapa në betejën për t’i ngjitur një nivel më lart sezonin e ardhshëm.

Kampionati Kombëtar

i Basketbollit – Meshkuj

Kategoria e Parë

Java e 11-të

(21 mars 2015)

Të shtunën:

Elbasani – Skënderbeu      86-73

Studenti – Teuta                  59-42

Renditja

Nr.       Skuadra         N.        F.         H.        Psh-Pp                      Pikë

1. Teuta 11        8          3        778-680                     19
2. Studenti 11        7          4        709-661                     18
3. Elbasani 11        6          5        753-778                     17
4. Skënderbeu 11        1          10        676-795                     12