Trajneri Ylli Tomorri vendos që të mos e fillojë lojën ndaj Skënderbeut me Tukseferin, por me Çalin, i cili edhe duke pasur në 7-she Trokën, Vuldijevin dhe Ivanovin, shto këtu dhe Malajn, arrin që ta shfaqë Studentin e vërtetë. Shifrat e dy seteve të para flasin vetë dhe nuk kanë nevojë për shumë koment, 25-12 dhe 25-14 për Studentin. Parë kështu Tomorri vendos që të lërë pushim tre të ardhurit nga merkato dimërore. E në fushë, krahas Kristi Martiros, janë edhe Memia, Ledio Martiro e Qerraxhija.

Por duket se gjërat nuk funksionojnë siç duhet. 5-8 në pushimin e parë teknik për Skënderbeun e me shumë vështirësi përmbys Studenti në pushimin e dytë teknik 16-15. Tre barazime të menjëhershëm 22-22, 23-23, 24-24, çka e i detyrojnë trajnerët për të marrë pushimet e tyre të zakonshme për të dhënë udhëzimet e marrjes së setit. Por Tomorri shkon dhe më tej, ul në stol Çalin, me të cilin ka dhe ngritje zëri, dhe fut Tukseferin. Por duket se ka qenë vonë, sepse Skënderbeu e ka marrë setin 26-24.

I katërti ka nisur me gabime në shërbime e megjithatë Studenti është në epërsi 8-7, 12-7, 16-13, 18-13, 24-19 dhe në fund 25-20 dhe 3-1. Tre pikë që Studentin e rendisin në vendin e parë këtë sezon në kampionat. Shifrat – Pikëshënuesi më i mirë i ndeshjes Ledio Martiro i Studentit me 13 pikë i ndjekur nga Caci i Skënderbeut me 10 pikë. Në bllok ka dalë fitues Ledio Martiro i Studenti dhe Pira i Skënderbeut me nga 3 mure fitues pasuar nga Çali e Malaj të Studentit, por dhe Ndardhari i Skënderbeut me dy fituese.

Kurse në shërbim është fitues Haxhillazi i Skënderbeut me pesë të sakta pasuar nga Çali e Ledio Martiro i Studenti me dy të sakta. Në total në katër sete Studenti shënoi 99 pikë prej të cilave 77 pikë vetë, kurse 22 pikë kanë ardhur nga gabimet e korçarëve. Në anën tjetër Skënderbeu në katër sete në total shënoi 72 pikë prej të cilave 54 pikë vetë, kurse 18 pikë kanë ardhur nga gabimet e Studentit.

Studenti – Skënderbeu       3-1

(25-12, 25-14, 24-26, 25-20)

Studenti: Çali, Malaj, Troka, Vuldijev, K. Martiro, Muça (L), Ivanov / L. Martiro, Qerraxhija, Memia, Tukseferi, Kasa. Trajner: Y. Tomorri

Skënderbeu: Caci, Sejati, Museka, Pira, Haxhillazi, Shishi (L), Ndardhari. Trajner: A. Prifti

Gjyqtarë: E. Dusha, R. Omari (Tiranë)

Kampionati Kombëtar

i Volejbollit – Meshkuj

Java e 14-të

(4-8 mars 2016)

Teuta – Elbasani                              3-0

Tirana – Farka Volej                        0-3

Studenti – Skënderbeu                  3-1

Vllaznia                                             pushim

Renditja

Nr.       Skuadra         N.        F.         H.        Setet               Pikë

1. Studenti         12        10          2        32-13              28
2. Vllaznia         12          9          3        29-17              26
3. Tirana             12          7          5        26-17              23
4. Farka Volej    12          7          5        25-18              21
5. Teuta              12          7          5        26-22              20
6. Skënderbeu  12          2        10          9-31                6
7. Elbasani        12          0        12          7-36                2