ASNN – Ajo që pritej prej disa javësh duket se po bëhet realitet nga çasti në çast. Rafael Benitez është shkarkuar nga detyra e trajnerit të Realit të Madridit.
Drejtuesit e klubit kryeqytetas janë mbledhur dhe kanë vendosur të ardhmen e Benitezit, pas barazimit të mbrëmshëm, 2-2 kundër Valencias, që e lë atë skuadër edhe më prapa në betejën për titull.
Ndonëse ishte njoftuar të fillonte në orën 19:30, konferenca për shtyp ku do të njoftohej shkarkimi i trajnerit spanjoll ka nisur pak minuta pas orës 20:00 dhe po vazhdon në çastet që po flasim.
Benitezi nuk do të jetë më trajner i Realit, pasi lojtarët dhe stafi kanë humbur besimin në të. Siç pritej, vendin e tij e ka marrë Zinedin Zidan, i cili është trajner i ekipit të dytë.
