ASNN – Më në fund, pas shumë polemikave dhe diskutimesh, me një numër çështjesh që kishin mbetur pezull, siç ishin pjesëmarrja e Tirana Eagles Basket tek meshkujt dhe skuadra e 6-të tek femrat, që u kthye thuajse në një “fjalëkryq”, duke marrë njëfarë zgjidhjeje vetëm të hënën, tanimë gjithçka është gati dhe Federata Shqiptare e Basketbollit ka bërë të ditur edhe kalendarin e ndeshjeve të javës së parë në të dy kategoritë e meshkujve dhe në Grupin A të femrave.
Gjithçka do të nisë nga niveli i dytë i meshkujve, që njihet si Kategoria e Parë, me takimin hapës të javës së parë, atë të datës 5 tetor 2018, ku skuadra private, debutuese në këtë nivel, Invadërs, do të përballet duke nisur nga ora 17:00, me skuadrën tjetër private të kryeqytetit, Tirana Eagles Basket, në Pallatin e Sportit “Asllan Rusi” në Tiranë.
Dy takimet e tjera të javës së parë luhen të shtunën, më 6 tetor 2018, dhe Flamurtari e Apolonia përballen me njëra-tjetrën duke nisur nga ora 13:00, në Vlorë.
Dy orë më pas, Elbasani ndeshet me Skënderbeun në Pallatin e Sportit “Tomor Sinani” në Elbasan. Ndërkaq, niveli më i lartë i meshkujve, Superliga, nisë mbrëmjen e 5 tetorit në kryeqytet, ku “kampionia në fuqi”, Tirana do të presë Kamzën, në takimin e orës 19:00 në Sallën Sportive “Fahrie Hoti”. Një ditë më pas, në të njëjtin orar dhe po në kryeqytet, por në Pallatin e Sportit “Asllan Rusi”, Partizani do të ndeshet me Teutën. Java e parë mbyllet të shtunën, me takimin e orës 18:00, midis Vllaznisë dhe Goga Basket, që luhet në Pallatin e Sportit “Qazim Dervishi” në Shkodër.
Kampionati Kombëtar
i Basketbollit – Meshkuj
Superliga
Java e parë:
5 tetor 2018:
Tirana – Kamza Basket (19:00)
Salla Sportive “Fahrie Hoti”, Tiranë
6 tetor 2018:
Partizani – Teuta (19:00)
Pallati i Sportit “Asllan Rusi”, Tiranë
7 tetor 2018:
Vllaznia – Goga Basket (18:00)
Pallati i Sportit “Qazim Dervishi”, Shkodër
Kampionati Kombëtar
i Basketbollit – Meshkuj
Kategoria e Parë
Java e parë:
5 tetor 2018:
Invadërs – Tirana Eagles Basket (17:00)
Pallati i Sportit “Asllan Rusi”, Tiranë
6 tetor 2018:
Flamurtari – Apolonia (13:00)
Pallati i Sportit “Flamurtari”, Vlorë
Elbasani – Skënderbeu (15:00)
Pallati i Sportit “Tomor Sinani”, Elbasan
