ASNN – Legjenda braziliane, Zhuninjo, ka vetëm fjalë të mira për Xherdan Shaqirin, me të cilin, shpreson që Lioni të fitojë trofe. Xherdan Shaqiri është prezantuar te skuadra franceze, me të cilën ka nënshkruar deri më 2024-ën. Në prezantimin e shqiptarit ishte edhe legjenda e kësaj skuadre, Zhuninjo, i cili shërben si drejtor sportiv i Lionit që nga viti 2019.
Ai ka patur vetëm fjalë të mira për shqiptarin e Zvicrës, që ka fituar shumë trofe gjatë karrierës, përfshirë dy herë Ligën e Kampionëve dhe shpreson që përvoja e tij ta ndihmojë Lionin. “Ai është lojtar i shkëlqyer, – ka thënë braziliani. – Kam folur me të dhe ai tregoi se dëshiron shumë të vij këtu.”
“Është profesionist i vërtet, – ka vijuar më tej drejtuesi brazilian i klubit francez. – Shpresoj se do të fitojmë tituj me të. Kishim nevojë për një lojtar si Shaqiri. Ai do të na ndihmoj shumë. Është luftëtar dhe këtë e pamë gjatë Euro 2020”.
