ASNN – Në takimin e 3-të të vlefshëm për javën e 23-të të Kategorisë Superiore, të luajtur në mbrëmje në Stadiumin “Elbasan Arena”, Partizani ka zhgënjyer, pasi të kuqtë janë mundur 1-0 nga Skënderbeu, që ka marrë kështu 3 pikë shprese. Kjo Ishte një mundësi e mirë për të kuqtë, për të kapur kreun, të paktën për 24 orë, por fusha e lojës ka treguar se skuadra korçare, e cila mban vendin e fundit, akoma nuk është dorëzuar në betejën për mbijetesë.

Të kuqtë e trajnerit Ilir Daja, që në minutat e para të takimit kanë kërkuar të gjejnë rrugën e rrjetës, por pa qartësinë e duhur para portës së mbrojtur nga gardiani i katërkëndorit korçar, Dajsinani. Nga ana tjetër, korçarët, në dy moment janë shfaqur rrezikshëm me Mensah, por goditjet e tij nuk janë në kuadrat. Për rrjedhojë, pjesa e parë është mbyllur me rrjeta të paprekura. Në pjesën e dytë, Partizanin vijon të ushtrojë trysni të vazhdueshme ndaj mbrojtjes korçare, që mbrohet me të gjitha forcat.

Në minutën e 63-të të takimit, kryeqytetasit arrijnë të gjejnë rrugën e rrjetës, por goli anullohet pasi Asani kryen në mënyrë të gabuar rivënien anësore. Dhe e papritura e madhe e kësaj sfide vjen në minutën e 76-të, kur Zhan Viktor godet rrufeshëm, duke mposhtur portierin e Partizanit, Alban Hoxha, duke përshëndetur rrjetën dhe duke e kaluar Skënderbeun në epërsi, 1-0.

Partizani përpiqet të reagojë, por edhe mund të ishte ndëshkuar nga një gol i dytë nëse shtylla horizontale e portës nuk do t’i kishte ardhur në ndihmë pas gjuajtjes së Berishës. Minutat e mbetura janë përpjekje dëshpëruese të skuadrës së trajnerit Daja, e cila nuk ka qartësinë e duhur në veprimet sulmuese, më saktësisht në konkretizimin e rasteve të krijuara. Mbyllet me fitoren e korçarëve, që marrin 3 pikë shprese. Një tjetër rezultat zhgënjyes për Partizanin, që u jep mundësinë rivalëve për titull të rrisin largësinë.

KATEGORIA SUPERIORE

JAVA E 23-TË

Të dielën, 7 mars 2021:

PARTIZANI – SKËNDERBEU       0-1

Shënues: Zhan Viktor 67′

BYLIS – TEUTA                                1-1

Shënues: Beji 37’ / Bregu 30’ (11-m.)

KASTRIOTI-TIRANA 1-2

Shënues: De Silva 66’ / Seferi 20’(11-m.), Hoxhallari 59’

Të hënën, 8 mars 2021:

LAÇI – APOLONIA               (13:00)

Stadiumi i Laçit

VLLAZNIA – KUKËSI           (16:00)

Stadiumi “Loro Boriçi”, Shkodër

Renditja

Nr.       Skuadrat        N.        F.         B.        H.        Gsh-Gp          Pikë

1. Vllaznia         22        12          5          5        28        15        41
2. Teuta              23        10        11          2        24        11        41
3. Laçi                 22        11          7          4        29        17        40
4. Partizani        23        10          9          4        32        15        39
5. Tirana             23          9          8          6        23        16        35
6. Kukësi            22          9          3        10        30        28        30
7. Kastrioti          23          7          7          9        19        26        28
8. Bylis               23          4          7        12        16        29        19
9. Skënderbeu  23          3          7        13        20        43        16
10. Apolonia 22          3          6        13        13        34        15