Federata Shqiptare e Xhudos ka zhvilluar Turneun Mbarëkombëtar me pjesëmarrjen e Shqipërisë, Kosovës, shqiptarëve të Malit të Zi dhe emigrantëve që ushtrojnë këtë sport nëpër Evropë.

Kjo ishte veprimtaria e 14-të Mbarëkombëtare, ndërsa në të kanë qenë të pranishëm dhe Drejtori i Sporteve në Ministrinë e Arsimit dhe Sportit, Vladimir Gjonaj, si dhe përgjegjësi i sportit elitar në këtë drejtori Arjan Konomi.

Garat janë zhvilluar për paratërinj dhe të rritur dhe në përgjithësi kanë dominuar xhudistët e Kosovës, të cilët duhet thënë se, për hir të së vërtetës, kanë një traditë më të madhe sesa Shqipëria në këtë sport.

E kjo veprimtari, sipas Sekretarit të Përgjithshëm të Federatës Shqiptare të Xhudos, Labo Çapo, ky ka qenë përcaktues dhe për elementët e ekipeve kombëtare për veprimtaritë ndërkombëtare të 2017-ës.

Një kontribut në këtë aktivitet kanë dhënë gjyqtarët Shahin Berhami, Fatos Tabaku, Mustaf Cuki Veseli, Mevlud Arifi. E sakaq janë nderuar me “Mirënjohje” nga Federata Shqiptare e Xhudos, Fatos Tabaku, Arif Vrenozi, Frrok Vatja dhe Bardhyl Hodo.

Turneu Mbarëkombëtar i Xhudos 2016

Rezultatet teknike:

Paratërinj:

Pesha – 50 kg          Enes Latifi (Kosova)

Pesha – 55 kg          Vendim Racaj (Kosova)

Pesha – 60 kg          Endrid Berisha (Kosova)

Pesha – 66 kg          Arben Kullashi (Kosova)

Pesha – 73 kg          Endrit Mustafa (Kosova)

Pesha – 81 kg          Andrea Musta (Kosova)

Të rritura:

Pesha – 63 kg          Arta Mërturi (Shqipëria)

Të rritur:

Pesha – 60 kg          Sulltan Latifi (Kosova)

Pesha – 66 kg          Korab Morina (Kosova)

Pesha – 73 kg          Kushtrim Gashi (Kosova)

Pesha – 81 kg          Akil Gjakova (Kosova)

Pesha – 90 kg          Shpat Zekaj (Kosova)

Pesha – 100 kg        Xhuljo Kaci (Shqipëri)

Pesha + 100 kg        Erson Ramaj (Shqipëri)